U Litvie abviaścili, chto padzielić miljon jeŭra za idei pa źbivańni pavietranych šaroŭ ź Biełarusi
Ministerstva ekanomiki i inavacyj Litvy abviaściła, jakija kampanii padzielać pryzavy fond u 1 młn jeŭra za raspracoŭku najlepšych sistem baraćby z kantrabandnymi pavietranymi šarami, jakija zapuskajuć ź Biełarusi. Siarod prapanavanych rašeńniaŭ — vykarystańnie łazieraŭ, dronaŭ i dyryžablaŭ, piša LRT.
Abrali try prajekty
Ministerstva abviaściła konkurs 27 kastryčnika. U paniadziełak ministr ekanomiki i inavacyj Edvinas Hrykšas paviedamiŭ, što ŭ konkursie ŭdzielničali 35 kampanij, ź jakich vybrali troch pieramožcaŭ: «IT logika», «Teltonika EMS» i «Dangaus šviesos».
Na pieršym etapie adabranyja kampanii atrymajuć pa 100 tysiač jeŭra.
Na druhim etapie budzie abvieščany dadatkovy konkurs dla dalejšaha raźvićcia idej.
«Spadziajomsia, što ŭžo ŭ lutym my budziem mieć dziejučy pratatyp», — skazaŭ Hrykšas.
U vyniku testavańniaŭ dziaržava abiare i zakupić adno najlepšaje rašeńnie dla intehracyi ŭ ahulnuju sistemu.
Jakija rašeńni prapanujuć vybranyja kampanii
«IT logika» prapanuje intelektualnuju sistemu abarony pavietranaj prastory, asnovu jakoj składuć drony i łazierna-aptyčnyja sensary. Mahutny łazier dazvolić biaśpiečna źbivać niekalki šaroŭ za adzin vylet. Prahnazavańnie trajektoryj budzie ažyćciaŭlacca z dapamohaj ałharytmaŭ štučnaha intelektu.
«Teltonika EMS» prapanuje aŭtanomnuju sistemu manitorynhu i abarony miažy. Jana budzie kruhłasutačna vyjaŭlać i identyfikavać pavietranyja pahrozy — šary, drony. Sistema praduhledžvaje vykarystańnie dronaŭ-pierachopnikaŭ dla źniščeńnia celaŭ.
«Dangaus šviesos» prapanuje sistemu pierachopu pavietranych šaroŭ na bazie dyryžablaŭ (DOBIS). Sistema intehruje roznyja technałohii, kab biaśpiečna pryziamlić nielehalnyja šary. Pradstaŭnik kansorcyuma adznačyŭ, što padobnyja rašeńni ŭžo raspracoŭvajuć Vajenna-marskija siły ZŠA.
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
-
U Ispanii pamierła 87‑hadovaja žančyna, sprava jakoj spravakavała ciapierašni palityčny kryzis u krainie
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
S pomoŝju kontrabandy łukašienko, Litva, obzaviediotsia pieriedovymi tiechnołohijami ochrany vozdušnoho prostranstva.
A Biełaruś budiet sama vykurivať sihariety łukašienko....