«U Zalivie tak pryniata». Ejsmant apraŭdałasia, čamu Łukašenka lotaŭ u Aman z synami
Pres-sakratarka Łukašenki paćvierdziła, što jahony starejšy syn Viktar źjaŭlajecca kurataram stasunkaŭ z Amanam. Ale ŭ jaho niama nijakich dziaržaŭnych pasad.
Natalla Ejsmant patłumačyła, čamu Alaksandr Łukašenka lotaŭ u Aman z synami Viktaram i Mikałajem.
Ź jejnych słoŭ, starejšy syn Łukašenki sapraŭdy kuryruje adnosiny Biełarusi z Amanam. Tamu što tam nibyta tak pryniata, piša BiełTA.
«U ich heta sapraŭdy znak asablivaj pavahi, asablivaj uvahi i asablivaha staŭleńnia da raźvićcia dvuchbakovaha ŭzajemadziejańnia, kali zamacavanaja asoba za ŭzajemadziejańniem pamiž krainami, za supracoŭnictvam — heta pradstaŭniki siamji. Voś u hetym vypadku starejšy syn prezidenta», — zajaviła Ejsmant.
Jana dadała, što dla Viktara Łukašenki heta surjoznaja dadatkovaja nahruzka i adkaznaść.
«Ale ŭ hetych krainach tak pryniata. I heta sapraŭdy vielmi dapamahaje. Heta takaja dadatkovaja ŭvaha, dadatkovy kantrol. Heta daje vielmi surjozny šturšok dla raźvićcia dvuchbakovych dačynieńniaŭ. Voś tamu na sustrečy byli syny», — skazała Ejsmant.
Pry hetym jana nie patłumačyła, navošta ŭ Aman lotaŭ student BDU Mikałaj Łukašenka, jaki, jak i Viktar, nie zajmaje nijakich dziaržaŭnych pasad.
Pasprabavała patłumačyć Ejsmant i dziŭnuju zakrytaść pieramoŭ Łukašenki ŭ Amanie. Jana zajaviła, što takich pryncypaŭ pilnujucca ŭ samim rehijonie.
«U hetym rehijonie pryzvyčailisia pracavać u cišyni, i tut nie treba šukać nijakich schavanych sensaŭ. Heta toj farmat, u jakim pracujuć u hetym rehijonie», — ahučyła svaju viersiju Ejsmant.
-
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniaja ŭciečka była ŭ 2026-m, a zasnavalniki — rasijanie
-
«Pakul ja ŭ Biełarusi, ja ŭ stanie abaraniać Sajuz palakaŭ». Pačobut patłumačyŭ, čamu choča viarnucca ŭ Biełaruś
-
MZS Rasii pachvaliłasia rasijskaj akcyjaj «Bieśśmiarotny połk» u Minsku
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniaja ŭciečka była ŭ 2026-m, a zasnavalniki — rasijanie29
Kamientary