Cichanoŭskaja atrymała premiju Marharet Tetčar, jana jaje pryśviaciła biełaruskim žančynam, što zmahajucca za svabodu
U Rymie Śviatłana Cichanoŭskaja atrymała prestyžnuju ŭznaharodu Margaret Thatcher Award, jakuju štohod uručajuć asobam, što prajavili vybitnaje lidarstva i pryncypovaść u abaronie svabody.
U svajoj pramovie biełaruskaja lidarka raspaviała, što biełaruskuju revalucyju nazyvajuć «revalucyjaj z žanočym tvaram», i pryśviaciła ŭznaharodu mužnym biełaruskim žančynam, jakija stali simvałam svabody i niaskoranaści:
«Marharet Tetčer kazała, što mužnaść — heta samaja važnaja dabradziejnaść.
Siońnia ja pryśviačaju hetuju ŭznaharodu mužnym biełaruskim žančynam, jakija zmahajucca za svabodu. Jakija nie iduć za natoŭpam, a prakładvajuć šlach.
Takim žančynam, jak Maryja Kaleśnikava, jakaja parvała svoj biełaruski pašpart i kinuła jaho ŭ akno mašyny, kab jaje nie departavali z krainy.
Jak Kaciaryna Andrejeva, jakaja praciahvała vieści pramuju tranślacyju ź mitynhu, pakul jaje aryštoŭvaŭ AMAP Łukašenki.
Jak Nina Bahinskaja, pažyłaja žančyna, jakaja znoŭ i znoŭ pratestavała na vulicach, niahledziačy na šmatkratnyja aryšty i prysudy.
Našyja ŭłasnyja žaleznyja łedzi.
Mnohija z hetych žančyn zastajucca za kratami. I my nie spyniajem baraćby za ich vyzvaleńnie. Taksama jak i nie spynimsia zmahacca za našuju krainu», — skazała Śviatłana Cichanoŭskaja.
Ciapier čytajuć
Bližejšym časam buduć vyzvaleny bolš za 150 palitźniavolenych36
Kamientary