Ціханоўская атрымала прэмію Маргарэт Тэтчар, яна яе прысвяціла беларускім жанчынам, што змагаюцца за свабоду
У Рыме Святлана Ціханоўская атрымала прэстыжную ўзнагароду Margaret Thatcher Award, якую штогод уручаюць асобам, што праявілі выбітнае лідарства і прынцыповасць у абароне свабоды.
У сваёй прамове беларуская лідарка распавяла, што беларускую рэвалюцыю называюць «рэвалюцыяй з жаночым тварам», і прысвяціла ўзнагароду мужным беларускім жанчынам, якія сталі сімвалам свабоды і няскоранасці:
«Маргарэт Тэтчэр казала, што мужнасць — гэта самая важная дабрадзейнасць.
Сёння я прысвячаю гэтую ўзнагароду мужным беларускім жанчынам, якія змагаюцца за свабоду. Якія не ідуць за натоўпам, а пракладваюць шлях.
Такім жанчынам, як Марыя Калеснікава, якая парвала свой беларускі пашпарт і кінула яго ў акно машыны, каб яе не дэпартавалі з краіны.
Як Кацярына Андрэева, якая працягвала весці прамую трансляцыю з мітынгу, пакуль яе арыштоўваў АМАП Лукашэнкі.
Як Ніна Багінская, пажылая жанчына, якая зноў і зноў пратэставала на вуліцах, нягледзячы на шматкратныя арышты і прысуды.
Нашыя ўласныя жалезныя лэдзі.
Многія з гэтых жанчын застаюцца за кратамі. І мы не спыняем барацьбы за іх вызваленне. Таксама як і не спынімся змагацца за нашую краіну», — сказала Святлана Ціханоўская.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары