Pryjorbank pačaŭ ustaloŭvać u Biełarusi novyja bankamaty-resajklery. Usiaho bank atrymaŭ 110 takich pryład, jakija ŭžo źjavilisia ŭ handlovych centrach, zonach samaabsłuhoŭvańnia 24/7 i ŭ najbolš ludnych miescach krainy, piša Telegraf.news.
U banku tłumačać, što słova «resajkler» u hetym vypadku nie maje dačynieńnia da ekałohii. Havorka idzie pra funkcyju paŭtornaha vykarystańnia hatoŭki. U takich bankamatach možna nie tolki źniać hrošy, ale i papoŭnić kartku.
Pryncyp pracy prosty: banknoty, jakija adzin klijent unosić u bankamat, adrazu ž praviarajucca na sapraŭdnaść i stan. Paśla hetaha jany mohuć być vydadzienyja inšamu klijentu bieź nieabchodnaści inkasacyi i dadatkovaj apracoŭki ŭ banku.
Takim čynam, u adroźnieńnie ad zvyčajnych depazitnych bankamataŭ, jakija tolki prymajuć hrošy i zaličvajuć ich na rachunak, resajklery adrazu hatovyja vykarystoŭvać pryniatyja kupiury dla nastupnaj vydačy.
Ideja takich pryład źjaviłasia jašče ŭ pačatku 2000‑ch hadoŭ, spačatku ŭ Japonii i ZŠA. Šyrokaje raspaŭsiudžańnie bankamaty-resajklery atrymali ŭ 2010‑ch hadach, asabliva ŭ krainach, dzie inkasacyja darahaja i isnuje vialikaje abaračeńnie hatoŭki.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy12
Kamientary
Obyčno ludi žałujutsia, čto iz bankomata vyletajut novieńkije kupiury. Dieło v tom, čto miechanizm bankomata tolko novyje banknoty i "otśluniavlivajet" pravilno. Jeśli ona sohnuta popołam - budut problemy. Po etomu, kak praviło, inkassacija bankomatov proischodit novymi kupiurami, staryje banki libo otpravlajut v ritiejł, libo śpisyvajut.
Jeśli staryje kiupiury pojdut v bankomat - oj!))
Tolki kolki tych bankamataŭ ŭ Biełhazproma! Vobmal.