Błohier Arciom Rybakin z žonkaj Tais znoŭ pierajechali — ciapier u Dubaj
Jany ździŭleny, što ceny ŭ kramach amal jak u Biełarusi.
Naprykancy minułaha hoda błohiery Arciom i Tais Rybakiny ździvili padpisčykaŭ navinoj. Jany znoŭ pierajechali — u hety raz z Paŭnočnaha Kipra ŭ Dubaj. Tais pachvaliłasia, što ŭpieršyniu trapiła tudy kala 20 hadoŭ tamu i adrazu adčuła, što niekali budzie žyć u hetym miescy.
Praŭda, usich kart para pakul nie adkryvaje. Arciom u instahramie namiakaje, što ŭ Dubai sustrakajecca z zabudoŭščykami. Ale Tais daje niedvuchsensoŭnyja namioki, što muž hatovy pracavać i viadučym: «Kali ivientary ŭ Dubai daviedalisia, što Rybakin na bazie — rvuć na kavałki z prapanovami… Ludzi, prosta budźcie nastojliviej abo pišycie mnie».
Pra svaju pracu Tais taksama abiacaje raspavieści paźniej. Paviedamiła tolki: «A być ofisnym klerkam nie tak užo i drenna. Narešcie spatrebiłasia maja adukacyju markietołaha, navučańnie na fatohrafa i ŭsie tyja biaskoncym kursy pa SMM. Chto b moh padumać, što adnojčy ŭsio składziecca ŭ adnu karcinku?»
Błohierka ŭzradavałasia tamu, što znajšła ŭ Dubai tvaroh ad «Savuškavaha»: «Dla mianie heta stała pieršym markieram taho, što zvykłaje žyćcio moža być pobač, navat kali zdajecca, što ty na inšym kancy śvietu. I jašče adzin niečakany fakt: u niekatorych markietach ceny praktyčna takija ž, jak u Biełarusi. Akazvajecca, u Dubai možna žyć pa-roznamu. Možna vielmi doraha. A možna — całkam racyjanalna, kali razumieć, dzie šukać i jakija zvyčki mianiać. Dla mianie heta novy dośvied, tamu što raniej ja pryjazdžała siudy jak turyst i była ŭpeŭnienaja, što žyć tut nierealna, zanadta doraha. Ciapier baču, što pry najaŭnaści łajfchakaŭ (jakich u mianie pakul niašmat) usio całkam mahčyma bieź vializnych vydatkaŭ».
Nahadajem: błohier Arciom Rybakin byŭ vielmi papularny ŭ nulavyja, dziakujučy prajektam «Kłubny štrych» i «Haŭno-pytańnie».
Raniej jon byŭ žanaty na madeli Volzie Nikifaravaj. U tym šlubie ŭ Arcioma naradziłasia dačka. Druhoj žonkaj šoŭmiena stała Tais Łucenka (Rybakina), u šlubie ź jakoj u mužčyny naradziłasia jašče adna dačka.
U 2022 hodzie Rybakiny vyrašyli pierajechać na Paŭnočny Kipr.
Para raspaviadała, što dziela taho, kab atrymać dazvoł na žycharstva, im daviałosia pastupać u miascovy brytanski ŭniviersitet. U hetym vypadku DNŽ dajuć na čas vučoby.
Ale ŭsio było nie tak idylična. Niejak u instahramie Tais pryznałasia svaim padpisčykam, što na pryhožaje žyćcio vymušana zarablać samastojna.
«Kab pierajechać na Kipr, ja pradała ŭsie svaje futry i častku bryljantaŭ. Ni dnia nie pabyvała ŭ dekrecie, bo nie było kali rassłablacca… Mianie i vypłat praź pierajezd dziaržava pazbaviła. Žyvu na Kipry — pracuju 24/7… Stvaraju kursy, pravodžu kansultacyi pa indyvidualnych zapytach, pracuju ahientam pa nieruchomaści i pastajanna vučusia novamu… Dla bačnaści bieskłapotnaha ładu žyćcia čas ad času rablu dla padpisčykaŭ pryhožyja fotasiesii, choć užo paru hadoŭ maru prosta vyspacca. Ja całkam utrymlivaju siabie — ad prakładak da darahich rečaŭ. Buduju kvateru na Kipry taksama sama».
Para aktyŭna pakazvała ŭ svaich sacsietkach roznyja varyjanty žylla na Paŭnočnym Kipry i ahitavała nabyvać tam nieruchomaść ź ich dapamohaj.
Tais adnačasova pradavała kursy na temu taho, jak adkryć u sabie sapraŭdnuju žančynu, rekłamavała aŭtarskija žanočyja retryty. Jana taksama kazała, što pracuje jak koŭč.
Dva hady tamu Arciom i Tais pasprabavali zapuścić svajo treveł-šou na YouTube. U svaim błohu «Rybakiny raspaviaduć» jany pakazvali žyćcio na Paŭnočnym Kipry i Bali.
Ale prajekt nie streliŭ. Videa nabirali ad niekalkich socień da niekalkich tysiač prahladaŭ. Sama ž Tais skardziłasia ŭ instahramie, što, pa adčuvańniach, ich roliki hladziać jany z mužam dy niekalki samych blizkich siabroŭ.
Jašče horš byli spravy ŭ YouTube-prajekta samoj Tais, dzie jana sprabavała vučyć žyćciu žančyn i raspaviadała, naprykład, pra ezateryčny składnik razvodu.
Niadoŭhi čas siamja praviała na Bali i pakazvała nieruchomaść tam.
Svaju kvateru płoščaj 112 kvadrataŭ na Paŭnočnym Kipry Tais u 2024 hodzie pradała, kab nabyć trochpakajoŭku ŭ Minsku ŭ novabudoŭli na bierazie Śvisłačy. Ramont tam usio jašče praciahvajecca.
Jaŭhiena Bułku abvinavačvajuć u machlarstvie ŭ Dubai na $1 miljon. A jon kaža, što sam paciarpieły
Biełaruska pracuje ŭ Dubai rusałkaj, kab addać doŭh 20 tysiač dalaraŭ
«U Biełarusi abyšłosia b daražej». Błohierka adśviatkavała viasielle na Paŭnočnym Kipry i raspaviała, kolki heta kaštuje
«Nie płacić alimienty, a mianie sprabuje vystavić ałkahaličkaj!» Madel Volha Nikifarava sudzicca z šoumienam Rybakinym
Kamientary
Padobnyja naviny stvarajuć " mity" farmujuć " mary" ab " strekazie strekaźle" jakija ničym ni lepš za mity mary " hłamur" limity maskoŭskaj dom 2 ksabčak pačatku 000ch