Šoŭmien Arciom Rybakin pierakvalifikavaŭsia ŭ brokiera pa nieruchomaści
Ahienctva «Rybakiny», u jakoje ŭvachodzić sam Arciom, a taksama jaho žonka Tais, prapanoŭvaje pasłuhi pa padbory nieruchomaści na Paŭnočnym Kipry i Bali.
Błohier Arciom Rybakin byŭ vielmi papularny ŭ nulavyja, dziakujučy prajektam «Kłubny štrych» i «Haŭno-pytańnie». U Biełarusi jon adkryŭ ułasnuju pradakšn-studyju Rybaking Production. A ŭ 2022 hodzie razam z usioj siamjoj pierabraŭsia na Paŭnočny Kipr.
Prajšoŭšy ŭłasny šlach z nabyćciom žytła i afarmleńniem VNŽ na Kipry, Rybakiny praciahnuli inviestavać u nieruchomaść i, urešcie, vyrašyli dzialicca svaim dośviedam ź inšymi (varta nahadać, što Paŭnočny Kipr — niepryznanaja dziaržava).
Siońnia ich ryełtarskaja kampanija maje filijały ŭ Dubai, na Bali, u Tajłandzie i ŭ Łondanie.
«Za što b ja ni braŭsia, ja zaŭsiody imknuŭsia stać lepšym ci być siarod lepšych. Tak było i kali ja vučyŭsia na psichołaha, i kali ja byŭ adnym z samych papularnych televiadoŭcaŭ Biełarusi. Hałoŭnaja maja meta — pracavać sumlenna, kab maje klijenty zastavalisia mnie ŭdziačnyja i raili siabram. Tamu ja pastupiŭ u Maskoŭski instytut prafiesijnaj adukacyi pa śpiecyjalnaści «Ryełtar. Śpiecyjalist pa apieracyjach ź nieruchomaściu», — abaznačyŭ surjoznaść namieraŭ raźvivacca ŭ novaabranaj śfiery Rybakin.
Kansultacyja ŭ Rybakinych dla klijentaŭ, pa ich słovach, biaspłatnaja:
«Nam płaciać zabudoŭščyki, a pracujem my tolki z tymi, u kaho ŭsio ŭ paradku z dakumientami, tytułami i ziemlami».
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy4
Kamientary