Iraklija Harybašvili asudzili na piać hadoŭ pa spravie ab admyvańni hrošaj.
Z Harybašvili była zaklučana damoŭlenaść, pavodle jakoj były premjer asudžany na piać hadoŭ pazbaŭleńnia voli i štraf u pamiery 1 miljon łary (kala 370 tysiač dalaraŭ), piša Bi-bi-si.
«Irakli Harybašvili pryznaje svaju vinavataść i zhadžajecca z umovami pracesualnaj damoŭlenaści», — havorycca ŭ paviedamleńni prakuratury ŭ Facebook.
U kastryčniku Harybašvili byli pradjaŭleny abvinavačvańni pavodle artykuła 194 Kryminalnaha kodeksa Hruzii ab admyvańni hrošaj, źviazanym z atrymańniem dachodu ŭ asabliva vialikim pamiery.
Pavodle abvinavačvańnia, Harybašvili, jaki ŭ 2019—2024 hadach zajmaŭ pasady ministra abarony i premjer-ministra Hruzii, nie mieŭ prava zajmacca jakoj-niebudź pradprymalnickaj dziejnaściu i atrymlivać jakoje-niebudź uznaharodžańnie, akramia zarabotnaj płaty słužbovaj asoby.
Harybašvili ličyŭsia adnym z najbližejšych ludziej miljardera i zasnavalnika partyi «Hruzinskaja mara» Bidziny Ivanišvili. U krasaviku minułaha hoda Harybašvili zajaviŭ, što sychodzić z palityki i jaho palityčnaja karjera zavieršana.
Kamientary