Іраклія Гарыбашвілі асудзілі на пяць гадоў па справе аб адмыванні грошай.
З Гарыбашвілі была заключана дамоўленасць, паводле якой былы прэм’ер асуджаны на пяць гадоў пазбаўлення волі і штраф у памеры 1 мільён лары (каля 370 тысяч даляраў), піша Бі-бі-сі.
«Іраклі Гарыбашвілі прызнае сваю вінаватасць і згаджаецца з умовамі працэсуальнай дамоўленасці», — гаворыцца ў паведамленні пракуратуры ў Facebook.
У кастрычніку Гарыбашвілі былі прад’яўлены абвінавачванні паводле артыкула 194 Крымінальнага кодэкса Грузіі аб адмыванні грошай, звязаным з атрыманнем даходу ў асабліва вялікім памеры.
Паводле абвінавачвання, Гарыбашвілі, які ў 2019—2024 гадах займаў пасады міністра абароны і прэм’ер-міністра Грузіі, не меў права займацца якой-небудзь прадпрымальніцкай дзейнасцю і атрымліваць якое-небудзь узнагароджанне, акрамя заработнай платы службовай асобы.
Гарыбашвілі лічыўся адным з найбліжэйшых людзей мільярдэра і заснавальніка партыі «Грузінская мара» Бідзіны Іванішвілі. У красавіку мінулага года Гарыбашвілі заявіў, што сыходзіць з палітыкі і яго палітычная кар’ера завершана.
Каментары