Sud zaviaršyŭ likvidacyju BiełaPAN, miljonny doŭh paviešany na byłych kiraŭnikoŭ
12 studzienia 2026 hoda spoŭniłasia piać hadoŭ z dnia zatrymańnia byłoha namieśnika dyrektara (2014-2018) niezaležnaj infarmacyjnaj kampanii BiełaPAN Andreja Alaksandrava. Adnačasova svabody była pazbaŭlenaja jaho dziaŭčyna, a ciapier žonka Iryna Złobina, nahadvaje «Pozirk».
23 śniežnia 2025 hoda Ekanamičny sud Minska padvioŭ rysu pad pracesam likvidacyi zasnavalnika BiełaPAN — adnajmiennaha ZAT, jaki doŭžyŭsia amal dva hady. U hety dzień sudździa Alaksandr Chanieŭski vynies «pastanovu ab zaviaršeńni likvidacyjnaj vytvorčaści».
Ab likvidacyi BiełaPAN pastanovaj Ekanamičnaha suda Minska paviedamiła 11 sakavika 2024 hoda Hienieralnaja prakuratura. Samo rašeńnie było pryniata 1 lutaha taho ž hoda. U svaim pres-relizie Hienprakuratura zajaviła pra nibyta vyjaŭlenyja «nieadnarazovyja i hrubyja parušeńni padatkovaha zakanadaŭstva, a taksama zakanadaŭstva ab dziaržaŭnym sacyjalnym strachavańni».
«U pryvatnaści, dapuščany fakty niavypłaty značnaj sumy zapazyčanaści pa abaviazkovych płaciažach u biudžet za pieryjad z 2014 pa 2021 hady: bolš za 590 tysiač rubloŭ pierad fondam sacyjalnaj abarony nasielnictva i zvyš 417 tysiač rubloŭ pierad inśpiekcyjaj MPZ Respubliki Biełaruś pa Pieršamajskim rajonie Minska», — śćviardžaŭ nahladny orhan.
Z ulikam piensijnaha fondu nabiehła ahulnaj «zapazyčanaści» na 1,14 miljona rubloŭ.
Ich i pavinny spłacić Alaksandraŭ i Navažyłaŭ. Hetuju sumu ŭłada dadała da bujnych štrafaŭ pavodle prysudu Minabłsuda ad 2022 hoda (Alaksandravu — 32 tysiačy rubloŭ, Navažyłavu — 22 400 rubloŭ).
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB26
Kamientary