Ministerstva infarmacyi papiaredziła biełarusaŭ pra novuju schiemu telefonnaha machlarstva. Złačyncy vykarystoŭvajuć technałohii štučnaha intelektu, kab padrabić hołas čałavieka i padmanam prymusić jaho rodnych ci siabroŭ pieraličyć hrošy ci zrabić inšyja dziejańni, jakija mohuć pryvieści da strataŭ.
Dla stvareńnia padroblenaha hołasu dastatkova ŭsiaho 20 siekund zapisu razmovy. Čym bolš razmoŭ ź nieznajomcam pa telefonie i čym jany daŭžejšyja, tym vyšejšaja vierahodnaść, što machlary atrymajuć dastatkova aŭdyjazapisaŭ dla stvareńnia «kłonu hołasu». Navat prostyja adkazy na pytańni mohuć być vykarystanyja dla hetaha.
Ekśpierty adznačajuć, što padrobleny hołas časta amal niemahčyma adroźnić ad sapraŭdnaha. Tamu Ministerstva infarmacyi rekamienduje:
- nie razmaŭlać pa telefonie ź nieznajomcami;
- papiaredzić svajakoŭ pra najaŭnuju niebiaśpieku;
- nie daviarać nieznajomym ludziam, navat kali zdajecca, što vy čujecie znajomy hołas.
12‑hadovyja školnicy ź Minska pieradali machlaram 50 tysiač baćkoŭskich hrošaj
U Minsku machlary ažanili mužčynu, kab zavałodać jahonaj kvateraj
Minčanka aformiła dva kredyty i ŭziała ŭ rasterminoŭku čatyry ajfony, kab pieravieści machlaram 40 tysiač rubloŭ
12‑hadovy chłopčyk addaŭ hrošy baćkoŭ machlaram
Kamientary