U Pružanskim rajonie z-za mocnych marazoŭ prypynili zaniatki ŭ škołach
Rašeńnie Pružanskaha rajvykankama na siońnia datyčycca tolki naviedvańnia škoł.
U Pružanskim rajonie Bresckaj vobłaści z-za marazoŭ prypynili zaniatki ŭ škołach, paviedamiła BiełTA načalnica hałoŭnaha ŭpraŭleńnia pa adukacyi abłvykankama Natalla Kalinoŭskaja.
«Zaraz dla nas samaje hałoŭnaje — kab dzieci byli zdarovyja i znachodzilisia ŭ biaśpiecy niezaležna ad taho, zastałosia dzicia doma ci naviedvaje ŭstanovu adukacyi. Tolki ŭ Pružanskim rajonie pryniata rašeńnie prypynić navučalnyja zaniatki va ŭstanovach ahulnaj siaredniaj adukacyi», — raskazała Natalla Kalinoŭskaja.
Rašeńnie Pružanskaha rajvykankama na siońnia datyčycca tolki naviedvańnia škoł. Dziciačyja sady vychavancy naviedvajuć, pry nieabchodnaści arhanizujecca padvoz. Z kožnym dziciem i siamjoj abmierkavanyja pytańni biaśpieki.
«My pavinny razumieć, što dzicia znachodzicca doma razam z darosłymi. Baćki biaruć na siabie adkaznaść i abaviazany tolki paviedamić kłasnamu kiraŭniku abo vychavalniku, pa jakoj pryčynie dzicia nie naviedvaje ŭstanovu adukacyi», — adznačyła načalnica hałoŭnaha ŭpraŭleńnia.
A 10‑j ranicy na Pružanščynie było da minus 27 hradusaŭ marozu.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu4
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary