Častka kamandy Ofisa Cichanoŭskaj pierabiarecca ŭ Varšavu ŭ bližejšyja tydni
Pry hetym Ofis zachoŭvaje ŭ Litvie dypłamatyčnuju akredytacyju.
Ofis Śviatłany Cichanoŭskaj pakul viadzie pieramovy z uładami Polščy nakont pašyreńnia svajoj pracy ŭ Varšavie, zajaviŭ jaje hałoŭny daradca Franak Viačorka ŭ efiry «Biełsata».
Franak Viačorka padkreśliŭ, što Ofis ciapier znachodzicca ŭ pracesie pieramovaŭ z polskim bokam. U Varšavie płanujecca adkryćcio fizičnaj prastory, kudy ŭ najbližejšyja tydni pierabiarecca častka supracoŭnikaŭ. Adnak «serca» mižnarodnaj dypłamatyi pakul zastaniecca ŭ Vilni.
«U Varšavie budzie pracavać častka Ofisu. Usio-taki asnoŭnaja, mižnarodnaja kamanda zastaniecca pakul u Vilni, bo ŭ Vilni ŭ nas jość dypłamatyčnaja akredytacyja, u Vilni naładžanyja pracesy, uzajemadziejańnie ź litoŭskimi ŭładami. Tamu heta nie pra pierajezd, a chutčej pra pierafarmatavańnie pracy Ofisa jak struktury», — padkreśliŭ Franak Viačorka.
Što tyčycca kankretnych asobaŭ, to sam Viačorka płanuje byvać u Varšavie značna čaściej, čym raniej.
Kamientary