65‑hadovy tvorca aktyŭna ŭdzielničaŭ u padziejach 2020 hoda i zaznaŭ pieraśled.
U subotu 19 vieraśnia pajšoŭ z žyćcia biełaruski litaratar i bard Anatol Kudłasievič. Dva tydni tamu jamu spoŭniłasia 65 hadoŭ.
Kudłasievič naradziŭsia ŭ 1961 hodzie ŭ Stolinskim rajonie. Pa pieršaj adukacyi vieterynar, paźniej jon źviazaŭ žyćcio ź litaraturaj i skončyŭ Litaraturny instytut imia Maksima Horkaha ŭ Maskvie.
Kudłasievič pracavaŭ na Biełaruskim telebačańni i radyjo, zajmaŭsia litaraturnymi i kulturnymi prahramami. Jon aŭtar niekalkich paetyčnych i prazaičnych knih, pisaŭ pieśni i vystupaŭ jak bard. Taksama zajmaŭsia składańniem litaraturnych antałohij, u tym liku biełaruskich epitafij i parodyj.
U žniŭni 2020 hoda Anatola Kudłasieviča aryštoŭvali na 10 sutak za ŭdzieł u akcyi pratestu. U 2021‑m u kvatery litaratara prajšło dva pieratrusy. Pieršy źviazvali sa spravaj Aŭtuchoviča, padčas druhoha HUBAZiK razhramiŭ žytło Kudłasieviča.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary
NATOŬPU
Vyjdzi z natoŭpu i stań čałaviekam!
Ludzi, ŭstavajcie žyć!
Mianie šturchnuli, ja – šturchnuŭ:
Moj susied šturchaŭ susiedziaŭ…
Mianie pichnuli, ja – pichnuŭ,
Moj susied pichaŭ susiedziaŭ…
Źviareli ŭsie! Nichto nie ŭhledzieŭ
Jak pad nahami chtości zakryčaŭ,
Jaho natoŭp biaźlitasny taptaŭ,
A jon kryčaŭ, tak žyć chacieŭ –
Jaho ž nichto zusim nie zaŭvažaŭ.
Voś śledam niechta novy palacieŭ,
Susied moj pa-śvińniačy zaviščaŭ –
Ničoha ŭžo nichto nie raźbiraŭ:
Jaho taptali, jon – taptaŭ…
Tak čałavieka rastaptali my ŭsie razam!
Chto ž vinavaty?
Toj, chto jdzie ŭ natoŭp.
Vyjdzi z natoŭpu, stań čałaviekam!
Ludzi, ŭstavajcie žyć!