Klajmo «Słava Rasii» na žyvacie ŭkrainskaha pałonnaha vypaliŭ adzin z chirurhaŭ u danieckaj balnicy
Klajmo «Słava Rasii» na žyvacie ŭkrainskaha vajennapałonnaha Andreja Pieravierzieva zrabili padčas apieracyi ŭ najbujniejšaj balnicy Danbasa — «Danieckim kliničnym terytaryjalnym miedycynskim abjadnańni» (DAKTMA). Heta ŭdałosia vyśvietlić prajektu Radyjo Svaboda «Schiemy».
Vajennapałonny Pieravierzieŭ, jaki byŭ vyzvaleny ŭ mai 2025 hoda ŭ vyniku abmienu, raskazaŭ, što pierad trapleńniem u rasijski pałon padarvaŭsia na hranacie, jakaja apynułasia niepasredna pad im.
Paśla sieryi pabojaŭ i dopytaŭ rasijskija vajskoŭcy dastavili bajca USU ź ciažkimi traŭmami ŭ balnicu. «Schiemy» ŭstanavili, što Pieravierzieŭ apynuŭsia ŭ DAKTMA — ab hetym śviedčyć płaniroŭka miedustanovy i vid z akna, jakija zapomniŭ vajskoviec. Akramia hetaha, Pieravierzieŭ uspomniŭ, što miedsiastra, jakaja pryjšła da jaho paśla pieršaj pieraviazki, skazała: «Nie chvalujsia. Pryjedzieš dadomu — albo vyviadzieš, albo nakołkaj zabješ».
«Schiemy» vykazali zdahadku, što nadpis na ciele zrabiŭ apierujučy chirurh. Pra heta, u pryvatnaści, kaža toje, što klejmo dastatkova roŭnaje i zroblena miedycynskim instrumientam z pravaha boku, ź jakoha zvyčajna pracuje doktar.
U druhoj balnicy Daniecka, kudy pieravieźli Pieravierzieva, miedsiostry pamiž saboj kazali, što klajmo na žyvacie pałonnaha zrabiŭ rasijski doktar, uspomniŭ bajec USU.
Pra toje, što nadpis zrabiŭ nie daniecki doktar, u razmovie sa «Schiemami» skazała miedsiastra z Daniecka Taćciana Trehułava — taja, jakaja pieršaj paviedamiła Pieravierzievu pra klajmo.
Prajekt vyśvietliŭ, što ŭ DAKTMA rehularna pryjazdžajuć rasijskija daktary z hrupy «Siabry miedycyny Danbasa». Siarod ich — maskoŭski chirurh i deputat Dziaržaŭnaj Dumy ad «Adzinaj Rasii» Badma Bašankajeŭ.
«Schiemy» vyśvietlili, što ŭ dzień apieracyi Pieravierzievu — 24 lutaha 2024 hoda — u danieckaj balnicy byli dva krasnadarskija daktary, jakija ŭvachodziać u hrupu «Siabry miedycyny Danbassa»: abdaminalny chirurh Juryj Kuźniacoŭ i chirurh-praktołah Andrej Kračko. Pra heta śviedčać pasty ŭ ich sacsietkach i mietadanyja fotazdymkaŭ, jakija jany publikavali.
Pry hetym Kuźniacoŭ u razmovie z žurnalistami spačatku admaŭlaŭ, što byŭ razam z Kračko ŭ DAKTMA ŭ toj dzień, a potym zajaviŭ, što jany z kaleham tolki dastavili humanitarnuju dapamohu i kansultavali daktaroŭ.
Chto mienavita — Kuźniecoŭ ci Kračko — vypaliŭ klajmo na ciele Pieravierzieva, žurnalistam vyznačyć nie ŭdałosia.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ24
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary
Voś kab jon nos na žyvot pryšyŭ - to tady da. A heta tak, mietačka "tut byŭ vasia"