Miełanija Tramp zaklikała pratestoŭcaŭ Minieapalisa admovicca ad hvałtu
Pad hvałtam žonka prezidenta ZŠA mieła na ŭvazie pratesty amierykancaŭ suprać palicejskaha hvałtu, a nie toje, što ich vyklikała.
Na fonie pratestaŭ paśla zabojstva Aleksa Preci ahientami ICE u Minieapalisie pieršaja łedzi ZŠA Miełanija Tramp vystupiła sa zvarotam da amierykancaŭ, piša BILD.
«My pavinny abjadnacca. Ja zaklikaju da adzinstva. […] Ja suprać hvałtu», — zajaviła Miełanija.
Pad hvałtam, adnak, žonka prezidenta ZŠA mieła na ŭvazie pratesty, a nie ich pryčynu.
Pra dziejańni ahientaŭ ICE, z-za jakich u Minieapalisie za apošnija tydni zahinuli dva čałavieki, Miełanija nie skazała ni słova.
«Kali łaska, kali vy pratestujecie, pratestujcie mirna. My pavinny trymacca razam u hety čas», — skončyła jana svoj zvarot.
Pavodle jaje słoŭ, jaje muž Donald Tramp pravioŭ vydatnyja razmovy z hubiernataram Miniesoty Cimam Uołzam i meram Minieapalisa Džejkabam Frejem, i ŭsie jany pracujuć razam, kab dabicca mirnaha suisnavańnia.
Tramp paśla pačatku pratestaŭ daŭ zrazumieć pra hatoŭnaść da kampramisaŭ. Pieramovy z Uołzam i Frejem (abodva demakraty) respublikaniec sam nazvaŭ «vielmi dobrymi» i «vielmi pavažlivymi» — zusim inšy ton, čym zvyčajna.
Jašče niadaŭna Uołza, jaki bałatavaŭsia razam z Kamałaj Charys na pasadu vice-prezidenta ZŠA, Tramp nazyvaŭ «vielmi durnym», «karumpavanym» i «žachlivym hubiernataram». Ale ciapier jon, padobna, adstupiŭ. Bolš za toje, mer Minieapalisa Džejkab Frej paśla telefonnaj razmovy z Trampam abjaviŭ, što častka fiederalnych supracoŭnikaŭ budzie vyviedziena z horada.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary
A jak biaz hvałtu vysialić chacia b 15 młn. nielehałaŭ, što zasialilisia tolki za 4 bajdenaŭskich hoda? Mo, pav.redakcyja maje adkaz?