U Śvietłahorskim rajonie mužčyna zapraŭlaŭ zapalničku z hazavaha bałončyka. Skončyłasia heta kiepska
27 studzienia kala 11:30 u Śvietłahorski rajonny adździeł pa nadzvyčajnych situacyjach pastupiła paviedamleńnie pra vybuch hazu ŭ šmatkvaternym domie ŭ pasiołku Miadkoŭ. Usie žychary doma byli terminova evakujavanyja, a ratavalniki pranikli ŭ kvateru, dzie adbyŭsia incydent.
U pamiaškańni ratavalniki znajšli haspadara 1961 hoda naradžeńnia z apiokami. Miedyki chutkaj dapamohi akazali jamu pieršuju dapamohu na miescy i dastavili paciarpiełaha ŭ Śvietłahorskuju centralnuju rajonnuju balnicu. Płošča apiokaŭ skłała kala 15%.
Adnačasova supracoŭniki RANS razam z hazavaj słužbaj praviali pravierku hazavaha abstalavańnia ŭ kvatery — jano było spraŭnaje.
Paźniej vyśvietliłasia, što pryčynaj vybuchu stała parušeńnie pravił karystańnia hazavym bałončykam. Mužčyna sprabavaŭ zapravić zapalničku na kuchni ŭ toj čas, kali na plicie hatavałasia ježa. Uciečka hazu z bałončyka pryviała da vybuchu. Pažaru ŭ kvatery nie ŭźnikła, adnak vybucham vybiła ŭvachodnyja dźviery i paškodziła ŭnutranuju pieraharodku.
Paśla zaviaršeńnia raboty ekstrannych słužbaŭ na miesca zdareńnia zaprasili śpiecyjalistaŭ, kab acanić škodu budynku. Było ŭstanoŭlena, što apornyja kanstrukcyi nie paškodžanyja i dom zastajecca prydatnym dla dalejšaj ekspłuatacyi. Paśla hetaha žycharam dazvolili viarnucca ŭ svaje kvatery.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary