«Nas heta mała chvaluje». Ejsmant adkazała, što dumaje pra kryminalnuju spravu suprać Łukašenki
U pres-sakratarki Alaksandra Łukašenki Natalli Ejsmant rasijskaje ahienctva «RIA Novosti» zapytałasia, što jana dumaje pra płany Kijeva zavieści kryminalnuju spravu suprać jaje šefa.
Ejsmant zajaviła, što ŭ Minsku, maŭlaŭ, nie majuć adnosna hetaha nijakaj infarmacyi:
«Ničoha pra takija nibyta abmierkavańni i namiery nie viedajem».
Uvohule ž: «Nas heta mała chvaluje».
Raniej ministr zamiežnych spraŭ Ukrainy Andrej Sibiha daŭ intervju vydańniu «Jeŭrapiejskaja praŭda», u jakim adznačyŭ, što Łukašenka — «heta tak zvany prezident. Ukraina, jak i inšyja jeŭrapiejskija krainy, nie ličyć jaho lehitymna abranym prezidentam Biełarusi».
Na kankretnaje pytańnie žurnalista, ci płanuje Ukraina abvinavacić hramadzianina Łukašenku ŭ ździajśnieńni mnohich złačynstvaŭ suprać čałaviečnaści, ministr adkazaŭ:
«Ja taksama liču, što ciapierašni biełaruski režym źjaŭlajecca suadkaznym za rasijskuju ahresiju. U 2022 hodzie jon daŭ terytoryju Biełarusi dla nastupu na Ukrainu. Rakiety lacieli ź ich terytoryi. Heta robić ich saŭdzielnikam ahresii suprać Ukrainy.
Dy i zaraz my bačym novyja elemienty padtrymki rasijskaj ahresii z boku režymu Łukašenki. Jany dajuć svaju infrastrukturu dla atak ukrainskaj terytoryi bieśpiłotnikami. Ja śviadoma nie ŭdakładniaju detali, ale my ich viedajem, kožny taki vypadak fiksujem jurydyčna, natyfikujem AAN pra saŭdzieł biełaruskaha režymu ŭ ahresii i budziem stavić pytańnie pra sankcyi ŭ dačynieńni da datyčnych asob i kampanij — u pryvatnaści, zadziejničanych u pabudovie hetaj infrastruktury».
Na ŭdakładniajučaje pytańnie, ci buduć dziejańni suprać asabista Łukašenki, byŭ adkaz:
«Režym Łukašenki i jon asabista pavinny panieści adkaznaść za svoj saŭdzieł u rasijskaj ahresii. I dla hetaha jość usie jurydyčnyja padstavy».
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi
Kaniec «miru» z Łukašenkam: jak adstaŭka Jermaka paŭpłyvała na kurs Ukrainy adnosna Biełarusi
Čamu Zialenski pierahledzieŭ staŭleńnie da biełaruskaj apazicyi? Analiz Valera Karbaleviča
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ10
Kamientary
Kijev podymajet stavki, vied́ łu i jeho kodła, oč chotiat popasť na ukrainskij rynok, pośle zaklučienija pieriemirija....
Tiepieŕ jesť o čiom potorhovaťsia.