Najbujniejšaja pryvatnaja sietka AZS u Biełarusi moža stać amierykanskaj
Najbujniejšaja pryvatnaja sietka aŭtazapravačnych stancyj u Biełarusi moža pierajści pad kantrol amierykanskaha kapitału. Kampanija «Łukojł», jakaja trapiła pad sankcyi ZŠA, płanuje pradać svoj zamiežny biznes inviestycyjnamu fondu Carlyle, piša vydańnie «Biełorusy i rynok».
Jak paviedamlaje rasijskaje vydańnie RBK, amierykanski inviestfond Carlyle, jaki ŭvachodzić u lik dźviuch tysiač najbujniejšych kampanij śvietu, źbirajecca vykupić amal usie zamiežnyja aktyvy «Łukojła». Vyklučeńniem stanuć tolki prajekty ŭ Kazachstanie — jany zastanucca ŭ rasijskaj hrupy. Dla zaviaršeńnia ździełki, praŭda, jašče spatrebicca dazvoł šerahu rehulataraŭ, u tym liku Ministerstva finansaŭ ZŠA.
U vyniku hetaj ździełki Carlyle moža atrymać dostup da nafta– i hazazdabyŭčych prajektaŭ «Łukojła» ŭ dziesiaci krainach, uklučajučy Azierbajdžan, Irak, Uźbiekistan, Jehipiet, Kamierun, Nihieryju, Hanu, Konha, Mieksiku i AAE. Akramia taho, havorka idzie pra try naftapierapracoŭčyja zavody ŭ Rumynii, Bałharyi i Niderłandach, a taksama sietki AZS i pradpryjemstvy pa vytvorčaści aliŭ, zmazačnych materyjałaŭ i inšych techničnych vadkaściaŭ.
U hety śpis uvachodziać i biełaruskija aktyvy: daččynaja kampanija «Łukojł-Biełaruś», jakaja kiruje bolš jak 80 aŭtazapraŭkami, naftabazami i hazanapaŭnialnymi stancyjami, a taksama dolaj u zavodzie «EdździTek» u Navapołacku, što vypuskaje prysadki dla paliva. Kali ździełka adbudziecca, hetyja aktyvy faktyčna apynucca ŭ ŭłasnaści amierykanskaha inviestfondu.
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary
"Najbujniejšaja pryvatnaja sietka AZS u Biełarusi moža stać amierykanskaj"
I čamu tak uzradavalisia??