Kryminalnuju spravu razhledzieŭ Homielski abłasny sud.
Viktar Recki ŭvachodziŭ u skład złačynnaj arhanizacyi z 1994 hoda. Jon chavaŭsia pa padroblenych dakumientach u Rasii i Kazachstanie, adkul u sakaviku 2025 hoda byŭ ekstradavany ŭ našu krainu i ŭziaty pad vartu. Abvinavačany datyčny jak minimum da dvuch rezanansnych złačynstvaŭ, učynienych u 1990‑ch hadach, piša «Homielskaja praŭda».
Viktaru Reckamu było vystaŭlena abvinavačańnie ŭ naŭmysnym zabojstvie z asablivaj žorstkaściu dvuch abo bolš asob, učynienym asabliva niebiaśpiečnym recydyvistam z metaj schavać abo palehčyć inšaje złačynstva.
Pa šerahu inšych złačynstvaŭ, učynienych abvinavačanym, skončylisia terminy daŭniny, u suviazi z čym kryminalny pieraśled pa asobnych epizodach spynieny. Siarod ich — udzieł u bandyckim farmiravańni i złačynnaj arhanizacyi, niezakonnyja dziejańni z ahniastrelnaj zbrojaj, razboi.
Homielski abłasny sud pryznaŭ Reckaha vinavatym i pryznačyŭ pakarańnie — 15 hadoŭ pazbaŭleńnia voli z adbyvańniem pieršyja piać hadoŭ u turmie, a astatniuju častku terminu — u papraŭčaj kałonii ŭzmocnienaha režymu. Taksama pastanoŭlena spahnać ź jaho 40 000 rubloŭ na karyść paciarpiełaha boku.
Prysud u zakonnuju siłu nie ŭstupiŭ i moža być abskardžany i apratestavany.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary