Raźviedka ZŠA: Biełaruś stała pieradavym vajskovym płacdarmam Rasii
Pavodle dakładu amierykanskaj raźviedki dla Kanhresa ZŠA, Biełaruś pieratvaryłasia ŭ praktyčna paŭnapraŭnuju častku rasijskaj vajskovaj infrastruktury va Uschodniaj Jeŭropie. Ciapier Minsk treba razhladać nie prosta jak partniora, a jak pieradavy vajskovy płacdarm Rasii, što niepasredna ŭpłyvaje na ŭschodni fłanh NATA i ŭskładniaje abarončaje płanavańnie ZŠA, paviedamlaje vydańnie Army Recognition.
Pačatkam źmienaŭ u hetym kirunku staŭ dazvoł Rasii vykarystoŭvać terytoryju Biełarusi dla ŭdaru pa Ukrainie ŭ pačatku 2022 hoda. Paśla hetaha Minsk praciahvaŭ adkryvać bazy, pavietranuju prastoru i łahistyčnyja kalidory dla rasijskich udaraŭ i pierasoŭvańnia vojskaŭ. Heta dazvalaje Maskvie skaračać čas reakcyi, chavać namiery i padtrymlivać cisk na paŭnočnuju Ukrainu, a taksama stvarać pahrozu dla Polščy, Litvy i Łatvii.
Asablivuju ŭvahu ZŠA źviartajuć na jadzierny składnik. Biełaruskija vojski trenirujuć dla vykarystańnia rakiet 9M723 z kompleksu Iskander-M, jakija mohuć nieści tradycyjnyja abo taktyčnyja jadziernyja bajavyja častki. Navat kali jadziernyja hałoŭki zastajucca pad kantrolem Rasii, intehracyja hetych sistem u Biełaruś źmianiaje vajskovuju situacyju ŭ rehijonie.
Akramia taho, Biełaruś stała punktam padtrymki rasijskaj sistemy supraćdostupu i supraćdziejańnia praz sumiesnyja sietki raźviedki i SPA. Rasijskija sistemy S-400 i Pancyr-S1 uzmacniajuć kantrol za pavietram i achovu klučavych abjektaŭ, a rasijskija radyjołakacyjnyja i kamunikacyjnyja centry ŭ Biełarusi pavyšajuć efiektyŭnaść rańniaha apaviaščeńnia.
Biełaruskija ŭzbrojenyja siły pakul zasiarodžanyja na pryzyvie i terytaryjalnaj abaronie, ale majuć techniku (tanki T-72B3, bajavyja mašyny BMP-2, bronietransparciory BTR-82A), jakaja dazvalaje padtrymlivać terytaryjalnuju biaśpieku i klučavyja maršruty, vyzvalajučy rasijskija siły dla nastupalnych apieracyj.
Pastupovaja militaryzacyja krainy padtrymlivajecca ŭnutranaj kansalidacyjaj ułady, što stabilizuje stratehičnaje sajuźnictva Minska i Maskvy i zabiaśpiečvaje Rasii praciahły dostup da terytoryi Biełarusi.
Dla ZŠA i ich sajuźnikaŭ Biełaruś ciapier razhladajecca jak klučavy apieratyŭny elemient rasijskaha stanovišča ŭ Jeŭropie: płacdarm dla pieraraźmiaščeńnia vojsk, baza dla ŭdaraŭ i zona dla pieradavoha jadziernaha sihnalinhu. Heta dazvalaje Maskvie padtrymlivać cisk z mnohich kirunkaŭ na Ukrainu i stvaraje dadatkovuju stratehičnuju niavyznačanaść kala miežaŭ NATO.
U Biełaruś prybyła novaja partyja rasijskich źniščalnikaŭ
Viciebski zavod radyjodetalaŭ «Manalit» vyrablaje kampanienty dla rasijskaha VPK, u tym liku na abstalavańni ź ES
Źjaviłasia novaje śviedčańnie pabudovy rasijanami sakretnaj jadziernaj bazy ŭ Asipovičach
Daśledčyki znajšli miesca ŭ Biełarusi, dzie bazujecca «Arešnik»
Valfovič: My ŭpeŭnienyja, što ŭ nas jość «Arešnik»
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary