Z 1 sakavika pa ŭsich rajonach Biełarusi ŭ dziciačych sadkach adkryjuć hrupy da dvuch hadoŭ
U kožnym rajonie krainy z 1 sakavika pačnuć pracavać hrupy dla dziaciej da dvuch hadoŭ. Pra heta piša sb.by sa spasyłkaj na pradstaŭnikoŭ Ministerstva adukacyi.
Pa źviestkach viedamstva, u 2025 hodzie 90,1% dziaciej ad hoda da šaści hadoŭ achopleny adukacyjnymi pasłuhami. Ale da hetaha času sistema daškolnaj adukacyi była aryjentavana pieravažna na dziaciej z dvuch hadoŭ.
Pry hetym pa zakonie jość mahčymaść adpraŭlać dziaciej va ŭzroście da dvuch hadoŭ u dziciačyja sady za košt adkryćcia hrup pieršaha rańniaha ŭzrostu (da adnaho hoda), druhoha rańniaha ŭzrostu (ad adnaho hoda da dvuch hadoŭ), a taksama roznaŭzrostavych hrup (ad adnaho hoda da siami hadoŭ).
Ciapier, pa słovach načalnika adździeła daškolnaj adukacyi Ministerstva adukacyi Albiny Davidovič, u 318 ustanovach adukacyi pracujuć 335 hrup dla dziaciej da dvuch hadoŭ. Pry hetym jana dadała, što zapyty siemjaŭ mianiajucca: usio bolš baćkoŭ, asabliva maci, płanujuć vyjści na pracu raniej, što stvaraje patrebu ŭ miescach dla dziaciej rańniaha ŭzrostu.
Ciapier čytajuć
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary