Prezident Chase Chiery zajmaŭ svaju pasadu ŭ časovaj jakaści ŭsiaho čatyry miesiacy, piša Bi-bi-si.
U kastryčniku pieruanski Kanhres abviaściŭ impičmient papiaredniamu kiraŭniku dziaržavy — Dzinie Bałuarte.
Chiery skinuli nie šlacham impičmientu, a votumam niedavieru. Deputaty Kanhresa stali patrabavać jaho adstaŭki, kali stała viadoma, što jon niekalki razoŭ sustrakaŭsia z kitajskim biznesoŭcam ź nieadnaznačnaj reputacyjaj, aficyjna pra heta nie paviedamlajučy. Prezident paprasiŭ prabačeńnia za toje, što nie raskryŭ fakt hetych razmoŭ, ale admaŭlaŭ, što ŭčyniŭ niešta niezakonnaje.
Chiery byŭ užo siomym prezidentam Pieru z 2016 hoda. U sieradu Kanhres pavinien pryznačyć novaha kiraŭnika dziaržavy, ale hety čałaviek prabudzie na pasadzie ŭsiaho niekalki miesiacaŭ — da prezidenckich vybaraŭ, jakija pavinny adbycca ŭ krasaviku.
Pieru — kraina-rekardsmien u Łacinskaj Amierycy pa liku byłych kiraŭnikoŭ dziaržavy, jakija byli prysudžanyja da turemnaha terminu ŭ XXI stahodździ.
Z 11 prezidentaŭ, jakija kiravali Pieru ŭ apošnija 25 hadoŭ, bolš za pałovu zaznali kryminalny pieraśled.
Mnohija spravy źviazanyja z brazilskaj budaŭničaj karparacyjaj Odebrecht. Z rasśledavańnia Ministerstva justycyi ZŠA ab supracoŭnictvie ź niekalkimi krainami Łacinskaj Amieryki stała viadoma, što kampanija, vierahodna, davała chabary i ŭmiešvałasia ŭ vybary ŭ krainach rehijonu, kab zabiaśpiečyć sabie bolš vyhadnyja kantrakty.
Kamientary