Minski mietrapaliten atrymaje z Rasii 15 novych vahonaŭ — heta try piacivahonnyja sastavy, jakija płanujuć pastavić u 2026 hodzie. Kantrakt padpisany z mašynabudaŭničym zavodam u Myciščach, jaki supracoŭničaje ź minskaj padziemkaj jašče z savieckich časoŭ, paviedamlaje pres-słužba pradpryjemstva «Transmašchołdynh».
Novyja ciahniki ŭžo znajomyja pasažyram, bo jany raspracavanyja śpiecyjalna dla Minska i raniej pastaŭlalisia ŭ stalicu. Vahony majuć šyrokija dźviarnyja prajomy ź sistemaj supraćzaciskańnia, a taksama dadatkovaje dyjodnaje aśviatleńnie, jakoje infarmuje pra adkryćcio i zakryćcio dźviarej.
Sistemy vientylacyi, kandycyjanavańnia i aciapleńnia dazvalajuć padtrymlivać kamfortnuju tempieraturu ŭ sałonie ŭ luby siezon. Pavietra ŭnutry prachodzić abiezzaražvańnie z dapamohaj ultrafijaletavych lampaŭ, ubudavanych u sistemu kandycyjanavańnia.
Źnižeńnie ŭzroŭniu šumu i vibracyi dasiahajecca dziakujučy pnieŭmatyčnaj padviescy kuzava i vykarystańniu sučasnych izalacyjnych materyjałaŭ. Vahony abstalavanyja asinchronnymi ciahavymi elektraruchavikami rasijskaj vytvorčaści.
U novych sastavach ustanoŭlena sistema biaśpieki i aŭtakiravańnia, jakaja aŭtamatyčna rehuluje chutkaść, kiruje razhonam i tarmažeńniem. Heta dazvalaje źmienšyć nahruzku na mašynista i pavysić biaśpieku ruchu.
Za apošnija hady zavod u Myciščach pastaviŭ u Minsk 48 vahonaŭ. Usiaho ŭ parku staličnaha mietro naličvajecca bolš za 400 vahonaŭ, bolšaść ź jakich vyrablenaja mienavita na hetym pradpryjemstvie.
Čamu ciahniki ŭ minskim mietro siniaha koleru?
Dla paskareńnia budaŭnictva mietro ŭ Minsku zakupili druhuju «Alesiu»
Ci žyvuć u minskim mietro vielizarnyja pacuki?
U minskim mietro patłumačyli, dla čaho adličvajuć na hadzińnikach čas ad adpraŭleńnia ciahnika, a nie da jaho prybyćcia
U minskim mietro raskazali, što chavajecca za zahadkavymi dźviaryma na ścienach stancyj
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary