U minskim mietro raskazali, što chavajecca za zahadkavymi dźviaryma na ścienach stancyj
U aficyjnym telehram-kanale Minskaha mietrapalitena raźviejali fantazii pasažyraŭ.
Fota: t.me/minskoemetro
U viedamstvie adznačyli, što pasažyry časta źviartajuć uvahu na takija dźviery na płatformach i vykazvajuć roznyja zdahadki. Niekatoryja ličać, što heta moža być pierachod na inšuju liniju, sakretnaje pamiaškańnie ci ŭvohule niešta z šerahu poŭnaj fantastyki.
Fota: t.me/minskoemetro
Adnak u rečaisnaści ŭsio značna praściej.
Jak rastłumačyli ŭ Minskim mietrapalitenie, za padobnymi dźviaryma zvyčajna raźmiaščajucca kabielnyja trasy i inžyniernyja kamunikacyi. Mienavita jany zabiaśpiečvajuć narmalnuju pracu stancyi — aśviatleńnie, suviaź i sistemy aŭtamatyki.
Kamientary
Heta naš varyjant pasadki na Chohvarts-ekspres na płatformie "dzieviać i try čverci". Na łondanskim vakzale "Kinhs-Kros" Hary Poter traplaŭ na tuju płatformu prachodziačy skroź hranitnuju kałonu. Nu, a ŭ nas usio praściej: nieprykmietnyja dźviery ŭ hranitnaj ścianie, ale taksama nie mienš čarouna i zahadkava.