Sinoptyk Dźmitryj Rabaŭ u efiry telekanała ANT raskazaŭ pra papiaredni prahnoz nadvorja ŭ Biełarusi na tydzień z 14 pa 20 vieraśnia. Pavodle jaho słoŭ, u krainie čakajecca sapraŭdnaje babina leta, choć u siaredzinie tydnia budzie niekalki bolš chałodnych i daždžlivych dzion.
U paniadziełak, 14 vieraśnia, Biełaruś apyniecca pad upłyvam małaaktyŭnych atmaśfiernych frantoŭ. Budzie vobłačna z prajaśnieńniami, udzień miescami mahčymyja karotkačasovyja daždžy. Ranicaj nie vyklučany słaby tuman. Unačy tempieratura składzie 9—15 hradusaŭ ciapła, udzień — 14—22 hradusy.
U aŭtorak kraina apyniecca pad upłyvam vobłaści pavyšanaha atmaśfiernaha cisku. Daždžoŭ nie čakajecca, choć vobłačnaść zachavajecca. Ranicaj miescami mahčymy tuman. Unačy budzie 6—11 hradusaŭ ciapła, udzień — ad 16 hradusaŭ u Viciebskaj vobłaści da 22 u Homielskaj.
U sieradu, 16 vieraśnia, nadvorje krychu pahoršycca. Atmaśfierny front pryniasie pachaładańnie, miescami mocnyja daždžy i navalnicy. Ranicaj mahčymy tuman, vilhotnaść pavietra budzie dasiahać 90%. Unačy čakajecca 9—14 hradusaŭ ciapła, udzień — ad 13 hradusaŭ u Hrodzienskaj vobłaści da 25 u Homielskaj.
U čaćvier, 17 vieraśnia, zachavajecca niaŭstojlivaje nadvorje. Budzie vobłačna z prajaśnieńniami, projduć daždžy, miescami mahčymyja navalnicy. Unačy i ranicaj čakajucca tumany. Tempieratura ŭnačy składzie 10—15 hradusaŭ ciapła, udzień — ad 15 hradusaŭ na paŭnočnym zachadzie da 22 na paŭdniovym uschodzie Biełarusi.
U piatnicu nadvorje pačnie palapšacca. Vobłačnaści stanie mienš, daždžy spyniacca, viecier budzie zachodnim i ŭmieranym. Adnak unačy i ranicaj jašče mahčymy tuman z bačnaściu da 500 mietraŭ. Unačy budzie 8—13 hradusaŭ ciapła, udzień — 17—23 hradusy, a ŭ Bresckaj vobłaści pavietra moža prahrecca da 25 hradusaŭ.
Na vychadnych u Biełaruś pryjdzie antycykłon, jaki pryniasie ciopłaje i pieravažna suchoje nadvorje.
U subotu čakajecca pieramiennaja vobłačnaść biez apadkaŭ. Unačy budzie 9—13 hradusaŭ ciapła, udzień — 19—24 hradusy, a na zachadzie krainy — da 26 hradusaŭ.
U niadzielu, 20 vieraśnia, prahnazujecca pieramiennaja vobłačnaść, vierahodnaść daždžoŭ nievialikaja. Unačy i ranicaj mahčymy tuman z bačnaściu da 500 mietraŭ. Nočču tempieratura składzie 7—12 hradusaŭ ciapła, a ŭdzień — ad 20 hradusaŭ u Viciebskaj vobłaści da 25—27 hradusaŭ u Homielskaj i Bresckaj abłaściach.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia23
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary