Rasijski pradziusar Maks Fadziejeŭ vypuściŭ pieśniu pra Biełaruś — i praśpiavaŭ jaje z dačkoj biznesmiena, źviazanaha ź siamjoj Šejmana
Viadomy rasijski śpiavak i pradziusar Maks Fadziejeŭ vyrašyŭ zrabić cykł piesień, pryśviečanych byłym savieckim respublikam.
Pieśnia Fadziejeva maje nazvu «Biełaruś maja». Rasijanin vypuściŭ jaje 11 vieraśnia, a ŭpieršyniu praśpiavaje pieśniu ŭžyvuju 26 vieraśnia na ŭłasnym kancercie ŭ «Minsk-Arenie».
Fadziejeŭ ciapier stvaraje cykł piesień, pryśviečanych byłym savieckim respublikam, i «Biełaruś maja» — adzin z hetych tvoraŭ. Hetaja ruskamoŭnaja pieśnia poŭnaja štampaŭ pra Biełaruś. Hladzicie sami:
«I v hłazach-oziorach tvoich
Stolko siły, stolko lubvi,
Nad toboju busły pariat,
Moja dorohaja ziemla […]
Nad toboju źviozdy horiat,
I niepokorionnyj voviek
Posriedi Chatyni siejčas
Kamiennyj stoit čiełoviek».
Hetuju pieśniu Fadziejeŭ zapisaŭ duetam z Marho Zinhman, 11‑hadovaj śpiavačkaj ź Minska. Rasijanin kaža, što abraŭ jaje, bo Marho začaravała svaim talentam:
«Viadoma, možna było b zaprasić užo viadomaha artysta — heta byŭ by samy prosty i vidavočny šlach. Ale mnie zaŭždy cikaviej adkryvać sapraŭdny talent i davać jamu mahčymaść być pačutym. A ŭ Marho ja hety talent pačuŭ adrazu».
Baćka Marho — Alaksandr Zinhman, biznesmien, jaki šmat zajmajecca prajektami ŭ Afrycy. Razam ź Siarhiejem Šejmanam, synam Viktara Šejmana, Zinhman niekali byŭ bienieficyjaram biznesu pa zdabyčy zołata ŭ Zimbabve. U 2021‑m Zinhman pravioŭ niekalki dzion za kratami ŭ Konha — jaho aryštavali pa padazreńni ŭ pastaŭkach zbroi, ale vyzvalili.
Što da Marho, u 2025‑m jana zaśviaciłasia na rasijskim šou «Hołas. Dzieci» i ajčynnym «Faktor.BY. Dzieci» — u apošnim Zinhman dajšła da supierfinału. Paźniej dziaŭčynka jašče i paŭdzielničała ŭ rasijskaj «Dziciačaj Novaj Chvali», dzie ŭziała druhuju premiju.
«Naša Niva» — bastyjon biełaruščyny
PADTRYMAĆPamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary