Na kampaniju L'Oréal padali ŭ sud z-za mierkavanych ryzyk raku ad srodkaŭ dla vałasoŭ
Štat ZŠA Aryzona padaŭ pazoŭ suprać kaśmietyčnaj kampanii L'Oréal, abvinavaciŭšy kampaniju va ŭtojvańni infarmacyi ab suviazi chimičnych vypramlalnikaŭ vałasoŭ z pavyšanaj ryzykaj raku ŭ žančyn.
Jak piša USA Today, hienieralny prakuror štata Aryzona Krys Mejs 10 vieraśnia padała pazoŭ ab spažyvieckim machlarstvie suprać L'Oréal USA, maciarynskaj kampanii L'Oréal S.A. i brenda SoftSheen. Aryzona — pieršy štat, jaki padaŭ padobny pazoŭ mienavita nakont ankałahičnych ryzyk ad vypramlalnikaŭ vałasoŭ. Štat patrabuje štrafaŭ, kampiensacyj i zahadu abaviazać kampaniju papiaredžvać spažyŭcoŭ ab ryzykach, kali prodažy praciahnucca.
Pa śćviardžeńni štata, kampanija rekłamavała i pradavała chimičnyja rełaksanty dla vałasoŭ, nie raskryvajučy, što tyja ŭtrymlivajuć rečyvy, zdolnyja vyklikać rak — u pryvatnaści, pavyšać ryzyku raku jaječnikaŭ i matki.
Chimičnyja vypramniki — mocnyja ščołačnyja srodki na asnovie hidraksidaŭ, jakija pierabudoŭvajuć dysulfidnyja suviazi ŭ vałasach. U pazovie skazana, što pradukty ŭtrymlivajuć endakrynnyja razburalniki, ftałaty, parabien i inšyja rečyvy, pryznanyja vierahodnymi abo dakazanymi kancerahienami. Spasyłajucca na daśledavańnie Nacyjanalnych instytutaŭ zdaroŭja 2022 hoda: žančyny, jakija vykarystoŭvali takija srodki bolš za čatyry razy na hod, udvaja čaściej chvareli na rak matki ŭ paraŭnańni z tymi, chto imi nie karystaŭsia.
Kampanija L'Oréal zajaŭlaje, što jaje pradukcyja prachodzić strohija pravierki biaśpieki, a pretenzii nie majuć jurydyčnych ci navukovych padstaŭ. Pa jaje słovach, daśledavańnie 2022 hoda nie dakazvaje pryčynna-vynikovuju suviaź pamiž vykarystańniem rełaksantaŭ i zachvorvańniami, pra jakija kažuć pazoŭniki.
Suprać L'Oréal užo padadziena bolš za 12 000 padobnych pazovaŭ, abjadnanych u fiederalnym sudzie Čykaha. U liku adkazčykaŭ pa inšych spravach — taksama Revlon (admaŭlaje suviaź svajoj pradukcyi z rakam). Sudovyja razbory praciahvajucca, pracesy mohuć pačacca ŭ 2027 hodzie.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj42
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary