U ahraharadku Lasny pad Minskam, kala prypynku «Špital invalidaŭ VAV», znachodzicca małady jabłynievy sad, jaki naležyć Minskamu abłasnomu kliničnamu špitalu invalidaŭ Vialikaj Ajčynnaj vajny imia Piatra Mašerava. U vieraśni drevy litaralna hnucca ad vialikaj kolkaści čyrvonych jabłykaŭ, piša pristalica.by.
Pieršy jabłynievy sad na terytoryi špitala zakłali vosieńniu 1971 hoda, kali miedycynskuju ŭstanovu rychtavali da adkryćcia. Sad vysadžvali sami supracoŭniki padčas subotnika.
Pieršapačatkova jon mieŭ praktyčnaje pryznačeńnie — jabłyki pavinny byli vykarystoŭvacca dla dadatkovaha zabieśpiačeńnia vitaminami pacyjentaŭ i miedykaŭ. U toj čas pry špitali navat trymali kania i mieli sadoŭnika, jaki dahladaŭ haspadarku.
U 2016 hodzie stary sad pačaŭ chvareć, tamu tahačasny hałoŭny doktar Viktar Lišakoŭ vyrašyŭ abnavić jaho. 6 maja byŭ zakładzieny novy sad, 85 maładych jabłyń dla jakoha ŭstanovie padaryŭ vieteran vajny Siarhiej Trus.
Ciapier sad adkryty dla ŭsich. Žychary najbližejšych damoŭ mohuć pryjści siudy i narvać jabłykaŭ, jak heta robiać supracoŭniki špitala i jaho pacyjenty. Pry hetym naviedvalnikaŭ prosiać bieražliva stavicca da dreŭ, nie śmiecić i nie kidać jabłyki na ziamlu.
Ciapier sad umoŭna padzieleny na staruju i novuju častki, tamu roznyja drevy płodanosiać u rozny čas i z roznaj intensiŭnaściu.
Asabliva pryhožym hetaje miesca stanovicca viasnoj, kali jabłyni pakryvajucca bieła-ružovymi kvietkami. U vieraśni tut adčuvajecca vodar śpiełych jabłykaŭ, a soniečnaje śviatło prabivajecca praz halinki dreŭ.
Siamiejnaja dynastyja z Samachvałavičaŭ pad Minskam vyroščvaje 30 tysiač raślin
U Biełarusi źjaviŭsia vinahrad sa smakam kłubnic
Pad Minskam pakazali novyja sarty vinahradu, prydatnyja dla biełaruskaha klimatu
Mer Minska patłumačyŭ, čamu drevy na praśpiekcie Niezaležnaści zamianili na raśliny ŭ kadkach
Ciapier čytajuć
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram20
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary