Iran vystaviŭ ZŠA maksimalisckija patrabavańni dla viartańnia da pieramoŭ — WSJ
Pavodle źviestak The Wall Street Journal, Iran pradstaviŭ ZŠA maksimaliscki nabor umoŭ dla viartańnia da pieramoŭ ab spynieńni ahniu. Tam — zakryćcio ŭsich amierykanskich baz u krainach Piersidskaha zaliva, vypłata reparacyj za ŭdary pa Iranie i harantyi nieadnaŭleńnia vajny.
Iran patrabuje nie prosta pieramirja, a faktyčna bujnoj vajenna-palityčnaj i ekanamičnaj ździełki na svaich umovach.
Pavodle krynic The Wall Street Journal, u śpisie nazyvajucca nastupnyja punkty.
- Zakryćcio ŭsich baz ZŠA ŭ Piersidskim zalivie.
- Finansavyja reparacyi za amierykanskija i izrailskija ŭdary.
- Novy režym u Armuzskim pralivie, pry jakim Iran zmoh by spahaniać zbory z sudnaŭ, što prachodziać praź jaho.
- Harantyi nieadnaŭleńnia bajavych dziejańniaŭ.
- Spynieńnie izrailskich udaraŭ pa siłach, źviazanych ź Iranam, uklučajučy «Chiezbału».
- Źniaćcie ŭsich sankcyj ź Irana.
- Zachavańnie iranskaj rakietnaj prahramy bieź pieramoŭ ab jaje abmiežavańni.
WSJ piša, što amierykanskija čynoŭniki ličać hetyja ŭmovy nierealistyčnymi, tamu prorva pamiž bakami ciapier vielmi hłybokaja. Asobna adznačajecca, što pazicyja Tehierana paśla tydniaŭ vajny stała bolš žorstkaj, a ŭpłyŭ KVIR (Korpusa vartavych isłamskaj revalucyi) na pieramoŭnuju liniju ŭzmacniŭsia.
Paralelna administracyja Donalda Trampa, pavodle źviestak WSJ, pieradała Iranu płan z 15 punktaŭ pa zaviaršeńni vajny. U hetym płanie zhadvajucca patrabavańni:
- poŭny dostup MAHATE da inśpiekcyj;
- abmiežavańnie iranskaj rakietnaj prahramy;
- spynieńnie padtrymki proksi-sietak;
- zachavańnie Armuzskaha praliva jak volnaha marskoha kalidora.
Kamientary
Heta dakładny pierakład z WSJ? "rakietnaja prahrama" Irana nikoha i nikoli nie cikaviła i, naohuł, "rakietnaja prahrama" - heta "niprašto"
Ci nie pierabłytali vy jaje z "JADZIERNAJ prahramaj Irana" ?