У Германіі беларус ехаў у цягніку без квітка і з наркотыкамі. І ўвогуле ён быў у краіне незаконна
У Германіі ў цягніку рэгіянальных ліній затрымалі 29‑гадовага беларуса, які дапусціў адразу некалькі парушэнняў заканадаўства. Пра гэта паведамляе паліцыя зямлі Саксонія-Ангальт, піша сайт «Беларусь и мир».
Інцыдэнт адбыўся ў чацвер, 12 сакавіка, прыкладна ў 21:18 вечара. Праваднік цягніка Intercity Express, які накіроўваўся з Берліна ў Гале, праінфармаваў праваахоўнікаў пра мужчыну, які падчас праверкі не змог паказаць квіток.
Паліцыянты сустрэлі састаў на платформе №6 вакзала ў Гале. Безбілетнік, які выйшаў з яго, заўважна нерваваўся і паспрабаваў схаваць ад паліцыі нейкі прадмет у рукаве курткі. Гэтым прадметам аказаўся нож.
Пазней у затрыманага таксама знайшлі некалькі флаконаў з анабалічнымі стэроідамі, наркотыкі і яшчэ адзін нож. Асобу мужчыны ўстанавілі па дакументах, якія ён меў пры сабе. Аказалася, што яму было адмоўлена ва ўездзе.
У дачыненні беларуса пачалі разбіральніцтва па падазрэнні ў парушэнні закона аб лекавых сродках, закона аб наркотыках, закона аб зброі, крымінальнага кодэкса і закона аб знаходжанні на тэрыторыі краіны.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары