Asudžanaja na 6 hadoŭ kałonii Safija Sapieha, pra jakuju siońnia Łukašenka skazaŭ, što nie suprać, kab dziaŭčynu pieradali dla adbyćcia terminu ŭ Rasiju, hramadziankaj jakoj jana źjaŭlajecca, dała praz advakata karotkaje intervju vydańniu z rasijskaha Jarasłaŭla.
— Čamu vy zacikavilisia palitykaj?
— Ja žyła ŭ Respublicy Biełaruś ź piaci hadoŭ. Heta moj druhi dom, i tak było da majho zatrymańnia. Ja liču narmalnym cikavicca palityčnym stanoviščam u krainie, jakaja tabie rodnaja. I rabić heta navat nieabchodna.
— Vy sapraŭdy viali Telegram-kanał «Čornaja kniha Biełarusi»?
— Z nahody viny… ja ŭnutrana liču, što tak było pravilna.
— Źviazvaŭsia z vami Raman Pratasievič paśla aryštu?
— Pratasievič sa mnoj nie źviazvaŭsia. Dla mianie jon bolš nie isnuje. I moj samy pravilny adkaz na ŭsie pytańni pra Pratasieviča, što mnie taki čałaviek nieznajomy.
— Vy chočacie viarnucca ŭ Rasiju?
— Ja vielmi chaču viarnucca da svajoj siamji. Dzie heta budzie, mnie niavažna. Maje mama i tata zrabili dla mianie ŭsio i navat bolš. Jany moj dom.
— Vy atrymlivajecie listy?
— Ja atrymała try listy ad baćkoŭ i bolš ničoha. Vielmi pieražyvaju, što nie zmahu atrymlivać ad ich viestački. U astatnim, umovy prymalnyja.
— Što vy chočacie skazać rasijanam, jakija vas padtrymlivajuć?
— Dziakuj usim, chto pieražyvaŭ i padtrymlivaŭ maju siamju. I vializnaja padziaka pasolstvu Rasijskaj Fiederacyi za padtrymku.
Čytajcie taksama:
«Škada dziaŭčynku». Łukašenka ličyć mahčymym pieradać Safiju Sapiehu ŭ Rasiju
«Dla nas Pratasieviča nie isnuje». Ajčym — pra dvuchhadzinnaje spatkańnie z Safijaj Sapieha paśla prysudu
Sapieha dali maksimalny termin z ulikam supracoŭnictva sa śledstvam?
-
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
-
«Interjery z Pinterest» i «ceny jak u Vieniecyi». U Hrodnie na miescy źniesienaha histaryčnaha budynka adkryli daraženny bucik-hatel
-
«Mianie vielmi mocna niepakoić, čyjo jano». Historyja biełarusa, jakomu ŭ Polščy pierasadzili novaje serca
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary