U Brazilii pryniali zakon ab sumiesnaj apiecy nad žyviołami pry razvodzie
Buduć uličvacca žyllovyja ŭmovy kožnaha ŭ pary, kolkaść volnaha času.
Sudy ŭ Brazilii zmohuć vyznačać paradak sumiesnaj apieki nad chatnimi žyviołami paraŭ, jakija rasstajucca.
Pa novym zakonie, kali para pry razvodzie nie dasiahnuła pahadnieńnia adnosna svajoj chatniaj žyvioły, sudździa vyznačyć, jaki budzie hrafik pražyvańnia ich kata ci sabaki i jak buduć raźmiarkoŭvacca vydatki na jaho.
Buduć uličvacca žyllovyja ŭmovy kožnaha ŭ pary, kolkaść volnaha času. Raschody na charčavańnie i hihijenu buduć na tym, z kim zastajecca žyvioła, a lačeńnie i inšyja traty dzielacca paroŭnu.
Kab zakon raspaŭsiudžvaŭsia na paru, jakaja rasstajecca, žyvioła pavinna pravieści ź imi bolšuju častku svajho žyćcia, piša Bi-bi-si.
Sumiesnaja apieka nie budzie pradstaŭlena ŭ vypadkach, kali adzin z bakoŭ maje sudzimaść, historyju abo ryzyku ździajśnieńnia damašniaha hvałtu.
Na dadzieny momant u krainie z nasielnictvam 213 miljonaŭ čałaviek naličvajecca kala 160 miljonaŭ chatnich žyvioł, pavodle danych Instituto Pet Brasil.
Členy Kanhresa zajavili pra pavieličeńnie kolkaści sprečak ab apiecy nad žyviołami ŭ sudach, adznačyŭšy, što zakon adkazvaje na «źmieny, jakija adbylisia ŭ brazilskim hramadstvie ŭ apošnija dziesiacihodździ», havorycca ŭ zajavie, što supravadžaje zakon.
Dla prykładu, u Vialikabrytanii sabaki jurydyčna razhladajucca jak nieadušaŭlonyja pradmiety (jak aŭtamabili, damy ci inšyja asabistyja rečy), što aznačaje, što spravy ab apiecy zvodziacca da vyznačeńnia taho, chto źjaŭlajecca adzinym uładalnikam.
U 2014 hodzie Francyja źmianiła svajo zakanadaŭstva, i ciapier chatnija žyvioły ličacca «žyvymi i adčuvajučymi istotami», a nie «ruchomaj majomaściu». Heta źmianieńnie aznačała, što pary zmohuć zmahacca za sumiesnuju apieku ŭ vypadkach razvodu.
Samy niadaŭni prykład pradastaŭleńnia sumiesnaj apieki nad chatniaj žyviołaj byŭ u Ispanii ŭ 2021 hodzie. Sudździa pryznačyŭ sumiesnuju apieku nad sabakam pary, jakaja rasstałasia i źviarnułasia ŭ sud, kab vyznačyć, z kim pavinien žyć hadavaniec. Madrydski sud paličyŭ, što abodva baki źjaŭlajucca «sumiesna adkaznymi» i «suapiekunami» sabaki pa mianušcy Panda.
Tamara Vińnikava pradała svoj łondanski dom, zaviešany karcinami samoj siabie ŠMAT FOTA23
Kamientary