Najbujniejšy terminał Rasii na Čornym mory spyniŭ ekspart nafty paśla ataki ŭkrainskich dronaŭ
Najbujniejšy naftavy terminał Rasii na Čornym mory — «Šescharys» u Novarasijsku — spyniŭ ekspart nafty paśla ataki ŭkrainskich dronaŭ. Pavodle infarmacyi krynic Reuters, udar bieśpiłotnikaŭ adbyŭsia ŭ noč na 6 sakavika i vyklikaŭ mocnyja pažary ŭ porcie i na terminale.
Z-za hetaha vyvaz nafty časova spyniŭsia. Zvyčajna praz «Šescharys» adpraŭlajuć da adnaho miljona baralaŭ nafty ŭ sutki. Jaho prypynieńnie nie dazvalaje Rasii ŭ poŭnaj miery karystacca vysokimi cenami na naftu.
Paviedamlajecca, što ŭ porcie pakul nie mohuć dakładna acanić maštab škody. U vyniku prablem z adhruzkaj nafty ŭ bałtyjskich i čarnamorskich partach u kampanij źbirajucca zapasy, što moža pryvieści da skaračeńnia zdabyčy.
Terminał «Šescharys» naležyć kampanii «Transnafta» i adyhryvaje važnuju rolu ŭ eksparcie nafty, zabiaśpiečvajučy značnuju častku marskich pastavak, a taksama adhruzku naftapraduktaŭ.
Akramia taho, u inšych rehijonach taksama jość pieraboi: raniej adbyvalisia ataki na naftapierapracoŭčy zavod «Łukojła» ŭ Nižaharodskaj vobłaści, paśla čaho jon časova spyniŭ pracu i prodaž paliva.
U toj ža čas u niekatorych partach, naprykład u Uść-Łuzie Leninhradskaj vobłaści, paśla pierapynku adhruzka nafty častkova adnaviłasia.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
- zajavił diriektor Rostovskoho morha 🇷🇺 ...