Kali adbuducca pieramovy ZŠA i Irana i ci adbuducca jany ŭvohule, stanovicca ŭsio mienš zrazumieła
Iran nie prasiŭ ab padaŭžeńni režymu spynieńnia ahniu.
Kali projduć pieramovy ZŠA i Irana i ci adbuducca jany naohuł, z kožnaj hadzinaj stanovicca ŭsio mienš jasna, piša Bi-bi-si.
Kali napiaredadni Axios i CNN upeŭniena anansavali vizit vice-prezidenta ZŠA Džej Dzi Vensa ŭ Isłamabad, dzie jon pravodziŭ pieršy raŭnd pieramoŭ 11‑12 krasavika, to paśla zajavy Trampa ab prapanovie pieramirja Bieły dom tolki paćvierdziŭ admienu jaho pajezdki.
Krynicy Axios kazali pra zhodu Irana pryniać udzieł u druhim raŭndzie pieramoŭ, ale Tehieran infarmacyju tak i nie paćvierdziŭ.
Ahienctva Tasnim, źviazanaje z Korpusam vartavych isłamskaj revalucyi, paviedamiła, što Iran nie prasiŭ ab pradaŭžeńni režymu spynieńnia ahniu.
Machdzi Machamadzi, daradca Machamad-Bahiera Halibafa, śpikiera parłamienta i hałoŭnaha pieramoŭščyka Irana, napisaŭ u sacsietkach, što słovy Trampa nie majuć vialikaj vahi.
«Pradaŭžeńnie režymu spynieńnia ahniu Trampam, biezumoŭna, źjaŭlajecca chitraściu, kab vyjhrać čas dla raptoŭnaha ŭdaru», — cytuje jaho Reuters. Machamadzi nazvaŭ amierykanskuju błakadu Armuzskaha praliva vajennaj ahresijaj i dadaŭ: «Pryjšoŭ čas Iranu ŭziać inicyjatyvu ŭ svaje ruki».
Iranski parłamientaryj Machmud Nabavijan, jaki ŭvachodziŭ u skład delehacyi na pieramovach u Isłamabadzie, paśla pasta Trampa ab pradaŭžeńni pieramirja napisaŭ u sacsietcy X, što «z hetaha momantu» pieramovy z ZŠA «vidavočna škodnyja i iracyjanalnyja».
Nie jasna taksama, ci pahodzicca pradoŭžyć pieramirje Izrail.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary