Na ŭračystym pryjomie Asacyjacyi karespandentaŭ pry Biełym domie ŭ hateli Washington Hilton adbyłasia stralanina. Na mierapryjemstvie prysutničali prezident ZŠA Donald Tramp, pieršaja łedzi i klučavyja ministry, ale nichto ź ich nie paciarpieŭ. Kim byŭ napadnik?
Padazravanaha zavuć Koŭł Tomas Alen, paviedamlała ahienctva Reuters. Heta 31‑hadovy nastaŭnik i raspracoŭščyk hulniaŭ z Kalifornii, raniej jon nie traplaŭ u pole zroku palicyi.
Pa vynikach 2024 hoda mužčyna byŭ pryznany najlepšym nastaŭnikam kampanii C2 Education, jakaja rychtuje abituryjentaŭ da ŭstupnych ekzamienaŭ u VNU, u horadzie Torrans u Kalifornii.
Tomas skončyŭ u 2017 hodzie Kalifarnijski technałahičny instytut, u 2025‑m atrymaŭ stupień mahistra ŭ halinie kamputarnych navuk u Kalifarnijskim dziaržaŭnym univiersitecie.
Na pryjomie z udziełam Trampa prahučała 5‑8 vystrałaŭ. Pavodle palicyi, mužčyna byŭ uzbrojeny drabavikom, pistaletam i niekalkimi nažami. Jaho zatrymali na miescy.
Strałok skazaŭ uładam, što jaho cellu byli čynoŭniki, źviazanyja z Trampam, paviedamlaje telekanał CBS News. Jon zmoh chutka prabiehčy mima achovy — ahienty nie paśpieli jaho zatrymać na ŭvachodzie i stali stralać uśled. Sa słoŭ palicyi, mužčyna stralaŭ u adnaho z ahientaŭ sakretnaj słužby, ale taho abaraniła broniekamizelka.
Sam strałok nie atrymaŭ ahniastrelnych ranieńniaŭ.
Donald Tramp prakamientavaŭ incydent i nazvaŭ napadnika «vielmi chvorym čałaviekam» i «zabojcam-adzinočkam».
Mierapryjemstva, na jakim adbyłosia zdareńnie, adkładziena jak minimum na miesiac.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary