«Jak tolki doždž, u nas u padjeździe patop». «Bahamy» ŭ «Minsk-Śviecie» znoŭ zaliło
Siezon daždžoŭ na Bahamach doŭžycca z maja pa listapad. U hety mokry pieryjad maksimalna dakładna ŭpisalisia i staličnyja «Bahamy» — tyja, što ŭ «Minsk-Śviecie». Jak tolki na minułych vychodnych pajšoŭ doždž, apadki vypali i ŭ novabudoŭli. «My ŭžo nie viedajem, kudy źviartacca. Nichto ničoha nie robić», — kažuć žychary 25-paviarchovika, piša Onliner.
«Bahamy» traplajuć u «daždžavyja» zvodki nie pieršy raz.
— Historyja doŭžycca ŭžo bolš za hod, ale prablema tak i nie vyrašana. Pry choć krychu istotnym daždžy ŭ padjeździe sa stoli ručajom ljecca vada. I z elektraščytka ljecca vada. Na ścienach užo stałaktyty za hety čas paśpieli vyraści!
Zvaroty i sustrečy z kiraŭnikom administracyi rajona, kiraŭnikom harantyjnaha adździeła «Dana Astra» nijak nie paŭpłyvali na situacyju. Za hety čas možna było dom z fundamienta ŭźvieści, ale zabudoŭščyk praciahvaje nas prosta karmić abiacańniami. Składajecca adčuvańnie, što prosta zaciahvajecca čas da zakančeńnia harantyjnaha terminu na dom, — pieražyvajuć ułaśniki.
Dom pa Brackaj, 11, byŭ zdadzieny ŭ śniežni 2023 hoda. To-bok pałova harantyjnaha terminu, ličy, sapraŭdy prajšła. Pry hetym u asobnych miescach dom vyhladaje dosyć sumna.
Čamu budynak rehularna «pramakaje», kali i jakija raboty buduć praviedzieny dla ŭstaranieńnia pryčyny prablemy, u jakija terminy i za čyj košt budzie adramantavana łobi — usie hetyja pytańni žurnalisty nakiravali zabudoŭščyku. Adkazaŭ pakul niama.
Ciapier čytajuć
Kudy ciapier jeduć vučycca biełaruskija studenty — top krain i tendencyj9
Kudy ciapier jeduć vučycca biełaruskija studenty — top krain i tendencyj
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie7373
Kamientary