Redaktarka «Biełsata» Alina Koŭšyk papiaredziła pra fejkavyja paviedamleńni, razasłanyja machlarami ad jaje imia
Redaktarka telekanała «Biełsat» napisała ŭ fejsbuku, što nieviadomyja pačali rassyłać ad jaje imia paviedamleńni z prośbaj kuplać Apple gift cards i pierasyłać kody.
Z dapamohaj Apple Gift Card možna apłačvać padpiski, kuplać muzyku, filmy, aksiesuary na sajcie apple.com abo ŭ Apple Store. Kožnaja karta maje svoj 16‑značny ličbavy kod, jaki nielha pieradavać trecim asobam, kab nie stracić srodki. I mienavita heta prapanavali rabić machlary, napisaŭšy ad imia Aliny Koŭšyk.
«Heta machlarstva. Pryčym davoli prymityŭnaje: «słužbovy» list napisany pa-polsku z pamyłkami i dasłany sa skrynki na inbox.ru. Vyhladaje heta, chutčej, jak drennaja parodyja, ale, na žal, navat takija rečy časam spracoŭvajuć.
Kali łaska, nie adkazvajcie na takija paviedamleńni, nie pierasyłajcie nijakich kodaŭ, hrošaj ci svaich dadzienych i prosta ŭvažliva praviarajcie adrasy adpraŭnikoŭ. Asabliva kali vas prosiać niešta «terminova» kupić ci apłacić», — pieraścierahaje žurnalistka.
Jana nie viedaje, chto sprabuje ašukvać ludziej ad jejnaha imia, ale hetyja dziejańni možna rasceńvać i jak zvyčajnaje machlarstva, i jak metanakiravanuju sprobu dyskredytacyi. U kamientarach da paviedamleńnia žurnalistki ludzi vykazvajuć mierkavańni, što takim čynam mohuć dziejničać i śpiecsłužby, piša BAŽ.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty23
Kamientary