«Kolkaść chvorych pavialičycca». Suśvietnaja arhanizacyja achovy zdaroŭja papiaredziła pra novyja vypadki chantavirusa
U SAAZ čakajuć rostu kolkaści zachvorvańniaŭ niebiaśpiečnym chantavirusam.
«Uličvajučy praciahły inkubacyjny pieryjad virusa, całkam mahčyma, što najbližejšyja tydni kolkaść chvorych pavialičycca», — zajaviŭ kiraŭnik SAAZ Tedras Adchanam Hiebrejesus.
Chantavirus byŭ paćvierdžany ŭ 9 pasažyraŭ kruiznaha łajniera MV Hondius. Pavodle jaho słoŭ, prykmiet pačatku bolš maštabnaj uspyški chantavirusa «andes» pakul niama, adnak virus zastajecca zaraznym, bo pasažyry aktyŭna kantaktavali pamiž saboj. Inkubacyjny pieryjad zachvorvańnia składaje ad šaści da vaśmi tydniaŭ.
Havorka idzie pra redki štam «andes» — varyjant chantavirusa, zdolny pieradavacca ad čałavieka da čałavieka pry ciesnym kantakcie. Śmiarotnaść infiekcyi moža dasiahać 40%.
Paśla ŭspyški chantavirusa na łajniery zahinuli try čałavieki — siamiejnaja para ź Niderłandaŭ i hramadzianka Hiermanii. Siarod zaražanych — hramadzianie Vialikabrytanii, Niderłandaŭ, Šviejcaryi, ZŠA, Francyi i Ispanii. Usiaho na borcie znachodzilisia kala 150 čałaviek z 23 krain — turysty, členy ekipaža i piersanał ekśpiedycyi. Pad karancin trapili bolš za 100 čałaviek, uklučajučy pasažyraŭ, ekipaž i ludziej, jakija kantaktavali ź imi.
12 čałaviek u Niderłandach adpravili na karancin praz pamyłki ŭ pracy z chantavirusam
Arhiencinski horad «na krai śvietu» admaŭlaje, što źjaŭlajecca krynicaj chantavirusa
Brytaniec z padazreńniem na chantavirus vysadziŭsia na samy addaleny vostraŭ śvietu. Łondan adpraviŭ jamu na dapamohu miedykaŭ-parašutystaŭ
Chto byŭ nulavym pacyjentam na kruiznym łajniery, dzie ŭspychnuŭ chantavirus, i jak jon zaraziŭsia
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty23
Kamientary