Aryštavany ŭčastak ksiandza Akałatoviča za try aŭkcyjony nichto nie kupiŭ
Ciapier jon moža adyści dziaržavie, piša «Chryścijanskaja vizija».
Raniej paviedamlałasia, što siarod aryštavanaha ŭ ksiandza Hienrycha Akałatoviča i vystaŭlenaha na prodaž byŭ ziamielny ŭčastak. Raźmieščany ŭ vioscy Novaja Myš Baranavickaha rajona ŭčastak płoščaj 0,12 ha byŭ vystaŭleny z pačatkovaj canoj 6600 rubloŭ. Tarhi abviaščalisia na 24 lutaha, 7 krasavika i 14 maja. Ale nichto na ich nie zarehistravaŭsia.
Učora pa ŭčastku źjaviłasia važnaje paviedamleńnie (takoje ž było ŭ dačynieńni da adnoj z niepradadzienych ikon ksiandza):
spahnańniku prapanujuć paćvierdzić zhodu pakinuć aryštavanuju majomaść sabie ŭ košt pahašeńnia zapazyčanaści pa vykanaŭčym viadzieńni.
Inšymi słovami: kali ŭčastak nie ŭdałosia pradać, jaho mohuć nie viartać uładalniku, a pieradać spahnańniku jak apłatu «doŭhu», to-bok pieradać dziaržavie.
Heta praciah historyi z majomaściu katalickaha śviatara Hienrycha Akałatoviča: paśla jaho vyzvaleńnia i vymušanaha vyjezdu ź Biełarusi ŭłady, pavodle rašeńnia suda, praciahnuli kanfiskacyju majomaści dla pahašeńnia «nibyta zapazyčanaści».
Aryštavanyja ŭ ksiandza Hienrycha Akałatoviča staradaŭnija ikony vyvieźli ŭ Nacyjanalny mastacki muziej i vystavili na aŭkcyjon
Ziamlu ksiandza Akałatoviča nie zmahli pradać praz aŭkcyjon
U ksiandza Hienrycha Akałatoviča aryštoŭvajuć i pradajuć majomaść
Što adbyvajecca z vyzvalenymi katalickimi śviatarami i čamu jany maŭčać
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary