Čempijon Biełarusi pa futbole razdaŭ padarunki dzieciam z akupavanych terytoryj Ukrainy
Kłub «MŁ Viciebsk», jaki źjaŭlajecca dziejnym čempijonam Biełarusi, raźmiaściŭ u svaim telehram-kanale paviedamleńnie pra toje, što «pryvitaŭ dziaciej z Danieckaj Narodnaj Respubliki ŭ našym pryhožym horadzie».
«Ad našaha kłuba, jak ad vialikaj spartyŭnaj siamji, kožnamu dziciaci byli ŭručanyja śpiecyjalnyja padarunki. My spadziajomsia, što hetyja suvieniry, źviazanyja z futbołam, jaki abjadnoŭvaje sercy miljonaŭ ludziej, pryniasuć im radaść, stanuć dobrym uspaminam pra ciopły pryjom u Viciebsku i maleńkimi simvałami našaj družby.
My žadajem dzieciam z DNR cudoŭnaha adpačynku i jarkich uražańniaŭ» — napisała pres-słužba kłuba.
Niahledziačy na źniešniuju biaskryŭdnaść i navat nibyta humanistyčnaść takoha paviedamleńnia, takija dziejańni z maralnaha i palityčnaha punktu hledžańnia zusim nie biezdakornyja.
Metanakiravanaja palityka vyvazu ŭkrainskich dziaciej z akupavanych Rasijaj terytoryj u Rasiju i Biełaruś sa spadarožnaj hetamu ideałahičnaj indaktrynacyjaj na mižnarodnym uzroŭni aceńvajecca jak vajennaje złačynstva, mienavita za heta Mižnarodny kryminalny sud užo zavioŭ kryminalnuju spravu suprać prezidenta Rasii Uładzimira Pucina i niekatorych jahonych paplečnikaŭ. Demanstratyŭny ŭdzieł u hetym biełaruskaha futbolnaha kłuba, jakomu nieŭzabavie treba startavać u jeŭrakubkach, moža stvaryć jamu prablemy.
Vidać, u tym liku i ŭśviedamleńnie hetaha stała pryčynaj taho, što nieŭzabavie paśla publikacyi hety post byŭ z telehram-kanała kłuba vydaleny.
«Pieravychavać, militaryzavać i rusifikavać»: Rasija stvaryła biesprecedentnuju sistemu dla vykradzienych ukrainskich dziaciej
Fond Tałaja pryvioz u Biełaruś jašče dziesiać dziaciej z akupavanaha Danbasa
«Pieravychoŭvajuć i militaryzujuć». Dla suda ŭ Haazie padrychtavali dakład pra toje, chto i jak vyvozić ukrainskich dziaciej u Biełaruś
Kamientary
Ciapier ža vo čempijon "pravilny'"...