Piaciarych polskich śviataroŭ i adnaho manacha vysyłajuć ź Biełarusi
Jak daviedałasia inicyjatyva «Chryścijanskaja vizija», piaci katalickim śviataram i adnamu manachu ŭ Minska-Mahiloŭskaj archidyjacezii, jakija majuć polskaje hramadzianstva, ułady admovili ŭ praciahu dazvołu na dalejšaje słužeńnie ŭ Biełarusi.
Nie ŭzhodnienyja na słužeńnie:
- probašč parafii śviatoha Alaksieja ŭ Iviancy ajciec Lech Bachanek;
- dekan Staŭbcoŭskaha dekanatu, probašč parafii Uniebaŭziaćcia Najśviaciejšaj Panny Maryi ŭ Nalibakach ksiondz kanonik Marjan Šeršań;
- dekan Miadzielskaha dekanatu, probašč parafii śviatoha Mikałaja, biskupa ŭ Śviry ksiondz kanonik Bahusłaŭ Madžejeŭski;
- probašč parafii śviatoha Andreja Apostała ŭ Naračy ajciec Pavieł Lalita;
- probašč parafii śviatoha Franciška ŭ Salihorsku ajciec Sabiesłaŭ Tamała;
- kapucyn, jaki apošni hod słužyŭ u parafii śviatoha Kazimira ŭ Maładziečnie, brat Vojciech Urubleŭski.
Usie jany ŭžo šmat hadoŭ pracujuć u Biełarusi, adzin ź ich, ajciec Lech Bachanek — bolej za 25 hadoŭ. Jon pryjechaŭ u Ivianiec u 2000 hodzie i z taho času realizavaŭ šmat prajektaŭ pa rabocie z moładździu, u tym liku zasnavaŭ «Muzyčnuju majsterniu».
Ajcu Lechu ŭžo nie praciahvali dazvoł na słužeńnie 10 hod tamu, u 2016 hodzie. Ale zatym, paśla rozhałasu, ułady admianili rašeńnie i vydali novy dazvoł.
Raniej stała viadoma pra admovu ŭ dazvole na dalejšaje słužeńnie trom polskim śviataram u Viciebskaj dyjacezii, a da hetaha — dvum śviataram u Pinskaj dyjacezii.
Troch polskich śviataroŭ vysłali ź Biełarusi
Dvum katalickim śviataram nie praciahnuli dazvoł na słužeńnie ŭ Biełarusi. Biez pastyraŭ zastalisia šeść parafij u troch rajonach
Hod cichaj baraćby. Jak pačuvajecca Tadevuš Kandrusievič, jaki ŭžo bolš za hod prachodzić chimijaterapiju
Aryštavany ŭčastak ksiandza Akałatoviča za try aŭkcyjony nichto nie kupiŭ
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam4
Kamientary