U finale jeŭrakubka ŭčora ŭ Stambule anhlijski kłub pieramoh niamiecki «Frajburh» ź likam 3:0.
Hały zabili paŭabaroncy «Viły» Jury Cilemans i Morhan Rodžers, a taksama napadnik Emilijana Buendzija.
Heta pieršaja ŭ historyi «Astan Viły» pieramoha ŭ finale Lihi Jeŭropy.
«Nievierahodny viečar! Vializnyja vinšavańni ŭsim hulcam, kamandzie, piersanału i ŭsim, chto źviazany z kłubam! 44 hady z momantu apošniaj pieramohi ŭ jeŭrapiejskim turniry!», — napisaŭ zaŭziatar «Viły» prync Uiljam, jaki prysutničaŭ na matčy.
Admietna, što dla ispanskaha treniera «Astan Viły» Unaja Emiery heta ŭžo piataja pieramoha ŭ Lizie Jeŭropy. U 2014, 2015 i 2016 hadach jon braŭ tytuł z «Sieviljaj», a ŭ 2021 hodzie vyjhraŭ turnir z «Viljareałam». Emiery tolki raz prajhraŭ u finale, było heta ŭ 2019 hodzie, kali jon treniravaŭ «Arsienał».
U nastupnuju sieradu projdzie finał Lihi kanfierencyj, u jakim zhulajuć anhlijski «Krystał Pełas» i ispanski «Raja Valjekana» (pačatak a 22-j), a ŭ subotu, 30 maja, u finale Lihi čempijonaŭ zhulajuć anhlijski «Arsienał» i francuzski «PSŽ» (upieršyniu za doŭhi čas finał pačniecca a 19:00, a nie a 22:00 jak raniejšyja hady).
Kamientary