Maci i dačka ź siamji Mironcavych vyjšli na volu paśla paŭhoda ŭ SIZA
Łukierja i Vieranika Mironcavy, abvinavačanyja pa «ekstremisckim» artykule, vyzvalenyja z-pad varty. Sud prysudziŭ žančynam «chatniuju chimiju».
Jak stała viadoma «Našaj Nivie», sudovy praces nad maci i dačkoj zaviaršyŭsia pryznačeńniem «chatniaj chimii» — abmiežavańnia voli pa miescy žycharstva. Abiedźviuch žančyn vyzvalili adrazu paśla abviaščeńnia prysudu.
U śledčym izalatary №1 jany znachodzilisia sa śniežnia 2025 hoda, kali ich zatrymali pavodle abvinavačvańnia ŭ zamachu na sadziejničańnie ekstremisckaj dziejnaści.
Heta ŭžo nie pieršy kryminalny prysud u siamji Mironcavych. U žniŭni 2020 hoda siostry Viktoryja i Nastaśsia zastupilisia za ludziej padčas žorstkich zatrymańniaŭ la staličnaha Pałaca sportu. Za heta paźniej jany atrymali realnyja terminy: Viktoryju asudzili na dva z pałovaj hady źniavoleńnia, a Nastaśsiu — na dva hady kałonii. Abiedźvie dziaŭčyny całkam adbyli pakarańnie i vyjšli na volu ŭ 2022 hodzie.
Jašče adna siastra, Alaksandra, ratujučysia ad mahčymaha aryštu, paśpieła pakinuć Biełaruś i źjechała za miažu. Piensijanierka Łukierja Mironcava i jaje dačka Vieranika, siastra-bliźniuk raniej asudžanaj Viktoryi, uvieś hety čas zastavalisia ŭ Minsku, pakul u kancy dźvie 2025 hoda siłaviki nie pryjšli i za imi.
«Naša Niva» — bastyjon biełaruščyny
PADTRYMAĆ
Kamientary