U Pastaŭskim rajonie zatrymali hramadzianina Litvy, jaki pryjechaŭ da miascovych staravieraŭ
Mužčynu zatrymali padčas relihijnaj słužby ŭ vioscy Kuklany. Jaho vinavaciać u tym, što jon nie mieŭ prava pravodzić takija słužby na terytoryi Biełarusi. Viadoma, što jon źbiraŭsia aficyjna zarehistravać relihijnuju hramadu ŭ Pastaŭskim rajvykankamie. Publikacyju ŭ «Pastaŭskim krai» zaŭvažyŭ kanał «Viciebskaja viasna».
Jak paviedamlaje rajonka, Kuklanskaja relihijnaja abščyna nie zarehistravanaja, inšaziemiec, jaki nazyvaŭ siabie duchoŭnym nastaŭnikam staravierskaj abščyny, sprabavaŭ zarehistravać abščynu i źviartaŭsia ŭ Pastaŭski rajvykankam.
Pavodle miascovych prapahandystaŭ, padadzienyja dakumienty nie adpaviadali ŭzoram, jakija pradastavili inicyjataru, a rabočaja hrupa rajvykankama vyjaviła ŭ ich fakty falsifikacyi. U harvykankamie pryjšli da vysnovy, što ahulnyja schody ŭdzielnikaŭ abščyny faktyčna nie pravodzilisia, u śpisy zasnavalnikaŭ unieśli hramadzian, jakija navat nie viedali pra heta, ludziej uvodzili ŭ zman pry zbory podpisaŭ. Im, śćviardžajuć u rajvykankamie, kazali, što jany padpisvajucca za dobraŭparadkavańnie carkvy i mohiłak, statut abščyny supiarečyŭ biełaruskamu zakanadaŭstvu.
Hramadzianina Litvy zatrymali prosta padčas bohasłužeńnia. Jaho dalejšy los pakul nie viadomy.
Vioska Kuklany (Kamajski sielsaviet) — viadomy histaryčny centr staravierstva na Viciebščynie. Jany majuć ułasnyja relihijnyja abrady. Tut zachavaŭsia ŭnikalny histaryčny pomnik — Chram Uśpieńnia Praśviatoj Baharodzicy. Hetaja draŭlanaja carkva była pabudavana ŭ pieršaj pałovie XIX stahodździa.
U siaredzinie XIX stahodździa, kali ŭ rehijonie dziejničali žorstkija abmiežavańni na staravierskija nabaženstvy, Kuklanski prychod i susiednija Apidamy byli adnymi ź niamnohich miescaŭ, dzie aficyjna funkcyjanavali dazvolenyja malelnyja budynki, piša «Viciebskaja Viasna».
-
Byłaja supracoŭnica pratakoła Łukašenki Darja Šmanaj stała kiraŭnicaj tajamničaj biełaruskaj arhanizacyi ŭ Maskvie
-
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
-
Kvitki na niekatoryja ciahniki zaraz možna kupić za 45 dzion da adpraŭleńnia
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?5
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary