Biełaruś jašče bolš pavialičyła pastaŭki bienzinu i dyzielnaha paliva ŭ Rasiju
U mai 2026 hoda Biełaruś naraściła čyhunačnyja pastaŭki naftapraduktaŭ na rasijski rynak na fonie deficytu paliva ŭ Rasii, vyklikanaha siezonnym rostam popytu i źnižeńniem vytvorčaści paśla atak bieśpiłotnikaŭ na šerah rasijskich naftapierapracoŭčych zavodaŭ, paviedamlaje vydańnie The Moscow Times.
Pavodle źviestak halinovych krynic, pastaŭki aŭtamabilnaha bienzinu ź biełaruskich NPZ u Rasiju ŭ mai vyraśli na 11% u paraŭnańni z krasavikom i skłali kala 57 tysiač ton. Adhruzki dyzielnaha paliva pavialičylisia na 23% — amal da 50 tysiač ton. Akramia taho, u Rasii było pastaŭlena bolš za 5 tysiač ton avijacyjnaj hazy.
Za studzień—maj 2026 hoda pastaŭki bienzinu ź Biełarusi ŭ Rasiju pavialičylisia amal u 13 razoŭ u paraŭnańni z anałahičnym pieryjadam minułaha hoda i pieravysili 270 tysiač ton. Ekspart dyzielnaha paliva vyras utraja — da 179 tysiač ton.
Častka hetaj pradukcyi vyrablajecca z rasijskaj davalnickaj nafty, jakaja pierapracoŭvajecca na Navapołackim i Mazyrskim NPZ. Atrymanaja pradukcyja pastaŭlajecca jak na rasijski rynak, tak i na ekspart.
Adnačasova Biełaruś pavialičyła tranzitnyja pastaŭki naftapraduktaŭ praz rasijskija party. U mai praz Murmansk i Astrachań było adpraŭlena kala 165 tysiač ton bienzinu dla ekspartu ŭ trecija krainy. Usiaho za pieršyja piać miesiacaŭ hoda abjom tranzitnych pastavak biełaruskich naftapraduktaŭ praz party RF vyras u 2,5 raza i dasiahnuŭ prykładna 1,53 miljona ton.
Ekśpierty źviazvajuć rost pastavak ź nieabchodnaściu častkova kampiensavać straty rasijskaj naftapierapracoŭki paśla sieryi ŭkrainskich udaraŭ pa infrastruktury NPZ.
U mai Rasija ŭstanaviła rekord pa eksparcie nafty
U Ciumieni zahareŭsia bujny NPZ. Ad Ukrainy datul 2000 kiłamietraŭ
«ŁNR» śledam za Krymam uviała limit na prodaž bienzinu
U Krasnadarskim krai paśla ataki ŭkrainskich bieśpiłotnikaŭ uźnik pažar na NPZ
U Rastoŭskaj vobłaści paśla napadu BPŁA zaharełasia naftaschovišča, u Sarataŭskaj — NPZ
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary