У Бранскай вобласці беларус штурхануў на дарозе палена — і стаў выпадковай ахвярай вайны
Траім дзецям Уладзіміра Сяргеева спачатку нават не хацелі даваць кампенсацыю, бо выплаты прадугледжаныя толькі за смерць грамадзян Расіі.
Трагічны выпадак здарыўся 12 красавіка 2025 года ў вёсцы Кірылаўка Клімаўскага раёна Бранскай вобласці Расіі. Гэта вёска знаходзіцца за 3 кіламетры ад Украіны.
Мясцовы жыхар, грамадзянін Беларусі Уладзімір Сяргееў, штурхануў на дарозе нейкае палена, а яно ўзарвалася. Мужчына загінуў на месцы, ягоная жонка Марына атрымала лёгкую кантузію і трапіла ў раённую бальніцу.
Расійскія ўлады абвінавацілі ва ўсім Узброеныя сілы Украіны, назвалі здарэнне тэрактам супраць мірных жыхароў, а Следчы камітэт РФ завёў крымінальную справу.
Дзеці Уладзіміра Сяргеева — а іх трое, уключна з непаўналетнім сынам — прэтэндавалі на кампенсацыю за бацьку як ахвяру вайны, але спачатку ім адмовілі.
Чыноўнікі сказалі, што выплаты робяцца толькі за загінулых грамадзян Расіі. А ў Сяргеева быў толькі бестэрміновы дазвол на жыхарства ў Расіі, але па грамадзянства ён не звяртаўся.
Гэтаксама меркаваў і Клімаўскі раённы суд. А вось Бранскі абласны суд трактаваў закон іначай — дапамога выплачваецца не самому загінуламу, а членам ягонай сям'і, якія з'яўляюцца грамадзянамі Расіі.
Стандартная бранская дапамога сем'ям тых, хто загінуў ад абстрэлаў, складае прыблізна 16 тысяч еўра і дзеліцца пароўну паміж усімі членамі сям'і.
Хто забараняе ў Беларусі кнігі — вось гэтыя 22 чалавекі33
Каментары
Меў беларускі пашпарт. Не мяняў яго на расейскі напэўна каб не заграблі на вайну.
Што ў ім беларускага, акрамя пашпарта, не зразумела.
Хаця можа і сапраўды беларус, бо ваяваць не хацеў?
А жонка адразу па кампенсацыю за мужа пабегла. Напэўна карэнная расіянка.