Amierykanski bramnik Cim Syrel padpisaŭ kantrakt z «Papierapramam» z Homiela, što vystupaje ŭ pieršaj lizie futbolnaha čempijanatu krainy (to-bok druhi dyvizijon).
Kantrakt z hałkipieram raźličany da kanca 2027 hoda, piša «Biełaruski futboł».
Raniej 22‑hadovy futbalist vystupaŭ za kłub «Oklend Ruts» z druhoha dyvizijona ZŠA, dzie pravioŭ vosiem matčaŭ, prapuściŭ 16 miačoŭ i dvojčy zhulaŭ «na nul».
«Papierapram» paśla 12 turaŭ zajmaje siomaje miesca ŭ turnirnaj tablicy, majučy ŭ aktyvie 24 bały.
Syrel maje biełaruski pašpart. Jon raskazvaŭ, što jaho baćki ź Biełarusi. Starejšaja siastra naradziłasia ŭ Biełarusi ŭ 2001 hodzie, a praz hod siamja pierajechała ŭ ZŠA, dzie jon i naradziŭsia.
«U Biełarusi i ciapier žyvuć dziadula, babula, rodnyja i blizkija. Viadoma, akramia baćkoŭ i siastry. Kali byŭ maleńkim, my prylatali siudy amal kožnaje leta. A potym stała značna składaniej: zdaryłasia ŭspyška kavidu, miežy zakrylisia, łahistyka parušyłasia — u minuły raz u Biełarusi ja byŭ vosiem hadoŭ tamu», — raskazvaŭ jon.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli6
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2323
Kamientary