Azaronak pra zakryćcio biełaruskich kram: Prybrali tamu, što vy heta lubili. Mnie nie lanota siadzieć i hladzieć, dzie što pradajuć
«Pahanaj miatłoj vymieciem usiu hetuju nacyjanalistyčnuju zarazu!» — pahražaje deputat Hihin.
Prapahandyst Ryhor Azaronak u svaim strymie z deputatam Vadzimam Hihinym abmiarkoŭvaŭ zakryćcio šerahu minskich kram, dzie pradavali rečy ź biełaruskaj simvolikaj, i admienu fiestyvalu «Naš Hrunvald».
«Jany kryčać pra toje, što ŭsio «haleča, zaniapad, usio admianili, usio prybrali, nie budzie ničoha, što my tak lubili». Dyk tamu, što vy heta lubili! Tamu što ja viedaju čamu. Tamu što hetyja ŭsie arhanizacyi — chto šmotki pradavaŭ, chto jašče štości — heta vašy mimikryrujučyja ź fihaj u kišeni «žduny». Jakija jašče namioki, takija voś padmirhvańni svaim robiać: «My tut, my pobač, voś vaźmi maječku, voś jana jak by i ničoha nie značyć…».
A vy dumajecie, što my debiły? Vy dumajecie, što my tupyja tut i ničoha nie razumiejem?» — abrynuŭsia Azaronak.
«Pahanaj miatłoj vymieciem usiu hetuju nacyjanalistyčnuju zarazu!» — pahražaje Hihin.
«Voś hetyja sproby skazać: «Nu kali ž užo ŭłady supakojacca? Voś u ich traŭma 2020 hoda». Ci budzie adliha? Budzie vam pa hałavie adliha heta. Budziem vykaraniać da kanca. I toje, što vy tam vieraščycie, toje, što vy tam panikujecie, toje, što ŭ vas kryvyja tvary — dla nas heta kaža, što my ŭsio robim pravilna. I bolš za toje, ni «Rahnaj», ni hetym «Hrunvaldam» ničoha nie skončycca. (…) I paviercie, jak «Knihaŭku» kaliści spapialili prosta, tak i dalej tak budzie», — dadaŭ Hihin.
Azaronak adznačyŭ, što sam manitoryć padobnyja kramy i mierapryjemstvy.
«Mnie nie lanota siadzieć i hladzieć, dzie što pradajuć, dzie što jakija paetki źbirajucca vystupać», — skazaŭ jon.
«Voś niadaŭna źjaviłasia hetaja cacka z Hienijuš. Voś my jaje ŭbačyli i zrabili ŭsio, kab hetuju cacku źniali i panieśli adkaznaść tyja, chto hetuju cacku paviesiŭ, — padzialiŭsia Hihin. — Usie vašy raźliki na toje, što vy tut pahavorycie, prasunieciesia, jakarok kiniecie, niedzie začepiciesia, zubkami ŭčepiciesia — zuby vybjem vam!»
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra19
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»99
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»9
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary