Прадстаўнік Узброеных сіл: На вайсковую адукацыю паступаюць і хлопцы, якія набіраюць 400 балаў з 400 магчымых
Намеснік начальніка ўпраўлення вайсковай адукацыі Узброеных сіл Беларусі Андрэй Паўлюшчык кажа, што сёлета прахадны бал на вайсковыя спецыяльнасці — 200‑240 (за тры іспыты і атэстат).
«Прыходзяць і хлопцы, якія набіраюць 400 балаў з 400 магчымых, — сцвярджае Паўлюшчык у эфіры СТБ. — Думаю, прахадныя балы ў вайсковыя навучальныя ўстановы ў гэтым годзе, як і ў мінулым, зноў здзівяць і стануць большымі, чым летась».
«У нас навучанне ў сістэме вайсковай адукацыі арганізавана для падрыхтоўкі кадравых афіцэраў. Гэта Вайсковая акадэмія, вайсковыя факультэты і Вайскова-медыцынскі інстытут. А вайсковыя кафедры — гэта тыя падраздзяленні сістэмы вайсковай адукацыі, якія рыхтуюць афіцэраў запасу», — патлумачыў Паўлюшчык.
Ён расказаў пра змены ў праграмах. «Адное з новаўвядзенняў, якое ў гэтым годзе будзе ўведзена ў сістэму падрыхтоўкі, — увядзенне заняткаў фізічнай культуры на вайсковых кафедрах. У тым ліку пасля навучання на вайсковай кафедры студэнты будуць здаваць пэўныя нарматывы, кантрольныя заняткі выконваць, пасля чаго будуць атэстоўвацца ў афіцэрскі склад».
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было44
Каментары
Толькі татальныя дубы.